બ્રેકિંગ ન્યુઝ
Last Updated: 08:15 AM, 19 January 2025
ડોનાલ્ડ ટ્રમ્પ 20 જાન્યુઆરીએ અમેરિકાના રાષ્ટ્રપતિ તરીકે શપથ લેશે. ટ્રમ્પના શપથ ગ્રહણ સમારોહમાં દુનિયાભરની હસ્તીઓ આવશે. દરમિયાન રિલાયન્સ ઇન્ડસ્ટ્રીઝના ચેરમેન અને રિલાયન્સ ફાઉન્ડેશનના સ્થાપક અને ચેરપર્સન મુકેશ અંબાણી અને તેમના પત્ની નીતા અંબાણી પણ નવા ચૂંટાયેલા રાષ્ટ્રપતિના ઉદ્ઘાટન સમારોહમાં હાજરી આપશે.
ADVERTISEMENT
એક મીડિયા અહેવાલ અનુસાર સમારોહમાં અંબાણી ફેમીલીને પ્રમુખ સ્થાન આપવામાં આવશે. મુકેશ-નિતા અંબાણી ટ્રંપની કેબિનેટના નામિત સદસ્યો અને નિર્વાચિત અધિકારીઓ સહિત અન્ય મહેમાનો સાથે મંચ પર બેસશે.
ADVERTISEMENT
એવું કહેવાઇ રહ્યુ છે કે નીતા અને મુકેશ અંબાણી આજે વોશિગ્ટન ડીસી એક ઇવેન્ટમાં સામેલ થવા પહોચશે. આ ઇવેન્ટ આજે વર્જીનિયાના ટ્રંપ નેશનલ ગોલ્ફ ક્લબમાં એક સ્વાગત સમારોહ અને આતશબાજી સાથે શરૂ થશે. રિપોર્ટ અનુસાર કેબિનેટ રિસેપ્શન અને ઉપરાષ્ટ્રપતિના ડિનરનું આયોજન પણ કરાયુ છે. જેમાં અંબાણી પરિવાર સામેલ થશે.
આ પાવર કપલ સમારોહમાં આગવું સ્થાન મેળવશે. તેઓ ટ્રમ્પના કેબિનેટના નોમિની અને નવા ચૂંટાયેલા અધિકારીઓ સહિત અન્ય મહેમાનો સાથે સ્ટેજ પર એકસાથે બેસશે. અંબાણી 18 જાન્યુઆરીએ વોશિંગ્ટન ડીસી પહોંચશે.
આ ટોચની હસ્તીઓ રહેશે હાજર
આ ઈવેન્ટમાં ઘણા હાઈ-પ્રોફાઈલ હાજરી આપશે મુકેશ અંબાણી ગેસ્ટ લિસ્ટમાં સૌથી નોંધપાત્ર નામોમાંથી એક છે. દુનિયાના સૌથી ધનિક વ્યક્તિ ઇલોન મસ્ક, એમેઝોનના સ્થાપક જેફ બેઝોસ અને મેટા ચીફ માર્ક ઝકરબર્ગ ઉપરાંત, ટેક જાયન્ટ્સ પણ આ ઇવેન્ટમાં હાજરી આપી રહ્યા છે. ફ્રેન્ચ અબજોપતિ અને ટેક ઉદ્યોગસાહસિક ઝેવિયર નીલ તેમની પત્ની સાથે હાજરી આપશે.
આ પણ વાંચોઃમહાકુંભ માટે Paytmનો ભવ્ય મહાકુંભ QR, જાણો કેવી રીતે કરશે કામ, શ્રદ્ધાળુઓને શું ફાયદો
ભારતના વિદેશ પ્રધાન એસ જયશંકર હાજરી આપશે
માર્ક ઝુકરબર્ગ ઉદ્ઘાટનની ઉજવણી માટે રિપબ્લિકન મેગા-ડોનર મિરિયમ એડેલસન સાથે બ્લેક-ટાઈ રિસેપ્શનનું આયોજન કરી રહ્યા છે. આ રિસેપ્શનમાં અંબાણી પરિવાર પણ હાજરી આપે તેવી શક્યતા છે. ભારતના વિદેશ પ્રધાન એસ જયશંકર સહિત ક્વોડ વિદેશ પ્રધાનો પણ ઉદ્ઘાટનમાં હાજરી આપશે, જ્યારે જાપાનના વિદેશ પ્રધાન તાકેશી ઇવાયાએ પણ ત્યાં આવવાની યોજનાની પુષ્ટિ કરી છે. ઉદ્ઘાટન દરમિયાન, ડોનાલ્ડ ટ્રમ્પ યુનાઇટેડ સ્ટેટ્સના ચાલીસમાં રાષ્ટ્રપતિ તરીકે શપથ લેશે. તેઓએ અગાઉ 2017 અને 2021 વચ્ચે ચાલીસમાં રાષ્ટ્રપતિ તરીકે સેવા આપી હતી.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.