ધર્મ / જીવનમાં થતા નુકસાનથી બચવું છે? તો ભૂલથી પણ અમાસના દિવસે ન કરતા આ 3 કાર્યો, નહીંતર લક્ષ્મીજી થશે નારાજ

• હિંદુ ધર્મમાં તમામ તિથિનું વિશેષ મહત્ત્વ
• સનાતન ધર્મમાં અમાસનું વિશેષ મહત્ત્વ
• અમાસના દિવસે શું ના કરવું જોઈએ?

હિંદુ ધર્મમાં તમામ તિથિનું એક વિશેષ મહત્ત્વ છે. હિંદુ પંચાંગ અનુસાર દર માસની કૃષ્ણ પક્ષની અંતિમ તિથિને અમાસ કહેવામાં આવે છે. સનાતન ધર્મમાં અમાસનું વિશેષ મહત્ત્વ રહેલું છે. આ દિવસે પવિત્ર નદીમાં સ્નાન કરવાનું દાન-ધર્મની પરંપરા છે. ધાર્મિક માન્યતા અનુસાર પિતૃદેવ અમાસના સ્વામી ગણવામાં આવે છે. અમાસના દિવસે શું ના કરવું જોઈએ, તે અંગે અહીંયા જણાવવામાં આવ્યું છે. 

આ વસ્તુઓનું સેવન ના કરવું
જ્યોતિષ શાસ્ત્ર અનુસાર અમાસના દિવસે માંસ-મદિરાનું સેવન ના કરવું જોઈએ. આ દિવસે માંસ-મદિરાનું સેવન કરવાથી આર્થિક પરેશાનીનો સામનો કરવો પડે છે. લસણ ડુંગળીને તામસી ભોજન ગણવામાં આવે છે, અમાસના દિવસે આ વસ્તુનું સેવન ના કરવું જોઈએ. 

ભૂલથી પણ આ કામ ના કરવા જોઈએ
જ્યોતિષ શાસ્ત્ર અનુસાર અમાસના દિવસે કોઈપણ વ્યક્તિએ વાળ અને નખ ના કાપવા જોઈએ. આ પ્રકારે કરવાથી પિતૃ નારાજ થઈ શકે છે. ઉપરાંત વાળ પણ ના ધોવા જોઈએ. આ દિવસે વાળ ધોવાથી અનેક પ્રકારની પરેશાનીનો સામનો કરવો પડે છે. 

લક્ષ્મી માતા નારાજ થઈ શકે છે
ધાર્મિક માન્યતા અનુસાર આ દિવસે લડાઈ ઝઘડો ના કરવો જોઈએ અને કોઈપણ વ્યક્તિને ખરાબ શબ્દો ના કહેવા જોઈએ. આ દિવસે સાવરણી ના ખરીદવી જોઈએ, મુંડન અને ગૃહ પ્રવેશ ઉપરાંત અન્ય ધાર્મિક કાર્યો ના કરવા જોઈએ. આ પ્રકારે કરવાથી લક્ષ્મી માતા નારાજ થઈ શકે છે.