રાજકારણ / ગાંધીનગરમાં અલ્પેશ ઠાકોરનું શક્તિ પ્રદર્શન, 26 જાન્યુઆરીએ યોજાશે સંમેલન

ગાંધીનગર સ્થાનિક સ્વરાજની ચૂંટણીના માહોલ વચ્ચે અલ્પેશ ઠાકોર ગાંધીનગરમાં મોટું શક્તિ પ્રદર્શન કરવા જઈ રહ્યા છે. પાટનગરના રામકથા મેદાનમાં ‘અભ્યુદય’ના નામે એક વિશાળ સામાજિક સંમેલનનું આયોજન કરવામાં આવ્યું છે.

સવારે 3 વાગ્યે યોજાશે સંમેલન

આ સંમેલન 26મી જાન્યુઆરીએ વહેલી સવારે 3 વાગ્યે યોજાશે. જેને લઈને રાજકીય તેમજ સામાજિક વર્તુળોમાં ચર્ચાઓ તેજ બની છે. સંમેલન દ્વારા સામાજિક મુદ્દાઓને લઈને અવાજ ઉઠાવવામાં આવશે તેવી માહિતી મળી છે.

સ્થાનિક સ્વરાજની ચૂંટણી પહેલા મોટુ સંમેલન

ઉલ્લેખનીય છે કે અલ્પેશ ઠાકોર અગાઉ પણ અનેક મુદ્દાઓને લઈ સંમેલનો અને જનઆંદોલનો કરી ચૂક્યા છે. તેમનું આ સંમેલન સ્થાનિક સ્વરાજની ચૂંટણી પહેલા યોજાઈ રહ્યું હોવાથી તેને રાજકીય દ્રષ્ટિએ પણ મહત્વપૂર્ણ માનવામાં આવી રહ્યું છે.

આ પણ વાંચોઃ રાજ્ય સરકારની વર્ગ-3 ભરતી માટે CCE પરીક્ષાના નવા નિયમોને મંજૂરી

મોટી સંખ્યામાં સમર્થકો અને કાર્યકર્તો હાજર રહે તેવી શક્યતા

સંમેલનમાં મોટી સંખ્યામાં સમર્થકો અને કાર્યકર્તા હાજર રહે તેવી શક્યતા છે. આ શક્તિ પ્રદર્શનથી અલ્પેશ ઠાકોરની રાજકીય અને સામાજિક સક્રિયતા ફરી એકવાર ચર્ચાના કેન્દ્રમાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ