રાજ્યસભા ચૂંટણી / ચૂંટણી વિના જ રાજ્યસભાના સાંસદ બની જશે ભાજપના ચારેય ઉમેદવાર, વિધાનસભામાં બમ્પર બહુમતના કારણે બિનહરીફ

Rajya Sabha Elections 2024 : ગુજરાતમાં રાજ્યસભાની ચુંટણીમાં ભાજપના ચારેય ઉમેદવારોને લઈ મોટા સમાચાર સામે આવ્યા છે. વાત જાણે એમ છે કે, ગુજરાતથી રાજ્યસભાના ચારેય ઉમેદવારો બિનહરીફ જાહેર થઈ શકે છે. આ તરફ હવે રાજ્યસભાની ચૂંટણીમાં ડમી ઉમેદવાર તરીકે ફોર્મ ભરનાર રજની પટેલે ફોર્મ પરત ખેંચ્યું છે. આ બધાની વચ્ચે અપક્ષ ઉમેદવાર પરેશ મુલાણીનું ફોર્મ સમર્થન ન મળતા રદ્દ થયું છે. 

રાજ્યસભાની ચૂંટણીમાં ઉમેદવારોને ફોર્મ પરત ખેંચવાનો આજે અંતિમ દિવસ છે. આ તરફ હવે ભાજપના ચારેય ઉમેદવારો બિનહરીફ જાહેર થઈ શકે છે. જોકે આજે આ અંગે સત્તાવાર જાહેરાત કરવામાં આવશે. આજે ફોર્મ ઓરત ખેંચવાના અંતિમ દિવસે ડમી ઉમેદવાર રજની પટેલે ફોર્મ પરત ખેંચ્યું તો એક અપક્ષ ઉમેદવાર પરેશ મુલાણીનું ફોર્મ સમર્થન ન મળતા રદ્દ થયું છે. જેથી હવે ભાજપમાંથી જાહેર કરાયેલ 4 ઉમેદવારો રાજ્યસભામાં જશે. આ અંગે આજે જ સત્તાવાર જાહેરાત કરવામાં આવશે. 

ભાજપમાંથી ભાજપના રાષ્ટ્રીય અધ્યક્ષ જે.પી.નડ્ડા, મયંક નાયક, ગોવિંદ ધોળકિયા, જશવંતસિંહ પરમાર નામાંકન દાખલ કર્યા છે. જોકે આ ચારેયની સત્તાવાર જીતની જાહેરાત આજે થશે. આ તરફ  કોંગ્રેસ પાસે સંખ્યાબળ ન હોવાથી એક પણ ઉમેદવારનો ફાર્મ ભર્યો નથી. મહત્વનું છે કે, 4 બેઠકો માટે 144 સભ્યોના બળની જરૂર છે. ભાજપ પાસે 156 બેઠકો છે. રાજ્યસભાની યોજાનાર ચૂંટણીમાં પ્રત્યેક ધારાસભ્યના મતનું મૂલ્ય 100 પોઈન્ટનું છે. ગુજરાત વિધાનસભાની ચૂંટણી બાદ 4 ધારાસભ્યના રાજીનામા બાદ હાલ 175 સભ્યોની સંખ્યા છે. 178 ધારાસભ્યોમાંથી ભાજપ પાસે 156 બેઠકો અને કોંગ્રેસ પાસે 15 બેઠકો છે. વિધાનસભામાં આપ ના 4, સમાજવાદી પાર્ટીના 1 તેમજ અપક્ષના 2 ધારાસભ્યો છે.

કોણ છે જે.પી. નડ્ડા ?

• ભાજપના રાષ્ટ્રીય અધ્યક્ષ છે 
• જે.પી.નડ્ડાનું પુરુ નામ છે જગત પ્રકાશ નડ્ડા
• બિહારના પટનામાં વર્ષ 1960માં જન્મ
• BA અને LLB સુધીનો અભ્યાસ પટનામાંથી 
• શરૂઆતથી જ ABVPના કાર્યકર રહ્યા
• પ્રથમવાર 1993માં હિમાચલ પ્રદેશથી ધારાસભ્ય તરીકે ચૂંટાયા 
• રાજ્ય અને કેન્દ્રમાં  મંત્રી તરીકેની જવાબદારી નિભાવી ચૂક્યા છે
• વર્ષ 1994થી 1998 સુધી વિધાનસભામાં વિપક્ષના નેતા રહ્યા છે 
• મોદી સરકારના પહેલા કાર્યકાળમાં આરોગ્ય પ્રધાન બનાવાયા હતા 

ગોવિંદ ધોળકિયા કોણ છે?

• દૂધાળા ગામમાં 7 નવેમ્બર 1947ના રોજ જન્મ
• હીરાના પ્રતિષ્ઠિત કારોબારી
• નોકરી છોડીને હીરાનો વ્યવસાય શરૂ કર્યો હતો
• વેપાર કરવા માટે 410 રૂપિયા ઉધાર લીધા હતા
• હાલ 4800 કરોડની નેટવર્થ
• લોકો વચ્ચે કાકા તરીકે ઓળખાય છે
• 1964માં સુરતમાં કારકિર્દીની શરૂઆત કરી
• શરૂઆતમાં હીરા કાપવાનું અને પોલિશિંગનું કામ કરતા
• બે મિત્રો સાથે મળીને સ્વતંત્ર રીતે કામ કરવાનું નક્કી કર્યું
• શ્રીરામકૃષ્ણ એક્સપોર્ટ કંપની બનાવી
• રફ હીરાના વેપારી હીરાભાઈ વાડીવાલા સાથે વેપાર શરૂ કર્યો
• પોલીશ કર્યા બાદ રફ હીરાનું વજન 34 ટકા સુધી કરી બતાવ્યું
• હીરાના વેપારમાં ઝંપલાવ્યા બાદ પાછું વાળીને જોયું નથી

વધુ વાંચો: US જવાની લાલચમાં એક ટાપુ પર ફસાયા 9 ગુજરાતીઓ: હાઇકોર્ટમાં થયો મોટો ખુલાસો

મયંક નાયક કોણ છે?

• ભાજપ બક્ષીપંચ મોરચાના પ્રદેશ પ્રમુખ
• મારી માટી મારો દેશ અભિયાનના ઈન્ચાર્જ હતા
• મંડળ સ્તરથી પ્રદેશ સ્તર સુધી જવાબદારી નિભાવી
• મહેસાણા ભાજપનો અગ્રણી ચહેરો

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો