હેલ્થ ટિપ્સ / આ લક્ષણો દેખાય તો આલ્કોહોલને આજે જ કહેજો ગુડ બાય, નહીંતર ‘પાર્ટી'ની મજા હોસ્પિટલના ફેરા જ કરાવશે

• દારૂ લિવરની સાથે શરીરના અન્ય ભાગ પર પણ નેગેટિવ અસર કરે 
• આ લક્ષણો દેખાય તો આલ્કોહોલને આજે જ કહેજો ગુડ બાય
• આલ્કોહોલ તમારી ઇમ્યુનિટી કમજોર કરી શકે છે

દારૂને આજે એન્જોયમેન્ટ સાથે જોડવામાં આવી રહ્યું છે. પાર્ટી હોય કે પછી કોઇ ખુશીનો અવસર, ક્યાંક બહાર ફરવા ગયા હો કે પછી મિત્રોને મળી રહ્યા હો, ‘પાર્ટી ‘ કરવી આજકાલ કોમન વસ્તુ બની ગઇ છે. આલ્કોહોલ શરીર માટે ખરાબ છે તે જાણવા છતાં લોકો ઓકેશનલી ડ્રીંક કરે છે. તો કેટલાક લોકો રોજ ડ્રિંક લે છે, જે હેલ્થને ખુબ નુકશાન કરે છે. દારૂ લિવરની સાથે શરીરના અન્ય ભાગ પર પણ નેગેટિવ અસર કરે છે. જો કોઇ વ્યક્તિ વધુ પ્રમાણમાં આલ્કોહોલનું સેવન કરવા લાગે છે તો શરીર ધીમે ધીમે ખરાબ થવા લાગે છે. જો તમને આમાંથી કોઇ લક્ષણો દેખાય તો સમજો આલ્કોહોલને અલવિદા કહેવાનો સમય આવી ગયો છે.

બ્લોટિંગ
જો તમને બ્લોટિંગની સમસ્યા થઇ રહી છે. તમારુ પેટ ફુલેલું રહેતું હોય તેવું લાગે છે તો તેનો અર્થ છે દારુના સેવનની તમારા પાચનતંત્ર પર નકારાત્મક અસર પડી રહી છે. પેટનાં સ્વસ્થ બેક્ટેરિયા દારૂથી પ્રભાવિત થઇ રહ્યા છે. તે તમારા આંતરડાને બગાડી શકે છે. જો તમને આવું સહેજ પણ લાગે તો તરત આલ્કોહોલ છોડી દો અને ડોક્ટરની સલાહ લો.

બીમાર હો તેવું લાગવું
જો તમે નિયમિત રીતે દારૂ પીતા હો તો તમે વારંવાર બીમાર પડો તેવો ખતરો રહે છે. કેમકે આલ્કોહોલ તમારી ઇમ્યુનિટી કમજોર કરી શકે છે. આલ્કોહોલનું સેવન તમારા લોહીમાં બીમારીઓ સામે લડનારી કોશિકાઓને ખતમ કરી દે છે, તેથી વ્યક્તિ વધુ બીમાર પડે છે. જો આમ લાગતું હોય તો આલ્કોહોલ છોડી દો.

સુવામાં પરેશાની
ઘણા બધા લોકો સાતથી આઠ કલાકની ઊંઘ પ્રોપર લઇ શકતા નથી. આલ્કોહોલ તમારી ઊંઘ ખરાબ કરી શકે છે. રોજ તમને સુવામાં પરેશાની થઇ રહી હોય તો બની શકે છે કે તમારે દારૂ છોડવાનો સમય આવી ગયો છે. પૂરતી ઊંઘ એટલી જ જરૂરી છે જેટલું રોજ એક્સર્સાઇઝ કરવી, હેલ્ધી ખાવું.

સ્કીન કે દાંતની તકલીફ
જો તમને સ્કિન ડિસઓર્ડર થઇ રહ્યો હોય, તમારી સ્કીન ઓવર સેન્સિટિવ થઇ રહી હોય , તમારી સ્કીન ડ્રાય થઇ રહી હોય તો આલ્કોહોલ છોડી દેવો બહેતર છે. જો તમને એવું લાગી રહ્યું હોય કે તમારા દાંતનાં મૂળ નબળા પડી રહ્યા છે તો આલ્કોહોલ છોડવામાં ભલાઇ છે.