મુલાકાત / મહારાષ્ટ્રમાં ફરી મોટી રાજકીય હલચલ, અચાનક જ શરદ પવારના ઘરે પહોંચ્યા ડેપ્યુટી સીએમ અજીત પવાર, જુઓ કેમ

• મહારાષ્ટ્રના રાજ્ય કેબિનેટનું વિસ્તરણ કરી દેવાયુ
• ડેપ્યુટી સીએમ અજિત પવારને સોંપાઈ નાણામંત્રાલયની જવાબદારી
• અજિત પાવર તેના કાકા અને એનસીપીના વડા શરદ પવારના ઘરે પહોંચ્યા

છેલ્લા કેટલાય સમયથી મહારાષ્ટ્રનું રાજકારણ ચર્ચાના ચકડોળે ચડ્યું છે અને એક એક પછી એક નવા વળાંક લઇ રહ્યું છે  આવી સ્થિતિ વચ્ચે ભારે ઉથલપાથલ બાદ આજે મહારાષ્ટ્રના રાજ્ય કેબિનેટનું વિસ્તરણ કરી દેવાયુ છે. જેમાં ડેપ્યુટી સીએમ અજિત પવારને સૌથી તાકાતવર અને મહત્વના ગણાતા નાણામંત્રાલયની જવાબદારી સોંપવામાં આવ્યું છે.આ જવાબદારીની જાહેરાત બાદ અજિત પાવર તેના કાકા અને એનસીપીના વડા શરદ પવારના ઘરે પહોંચ્યા હતા. મહત્વનું છે કે એનસીપી સાથેના બળવા બાદ આ બંનેની પ્રથમ બેઠક હોવાથી રાજકીય વર્તુળમાં ભારે ચર્ચા જાગી છે.

#WATCH मुंबई: महाराष्ट्र के उपमुख्यमंत्री अजीत पवार एनसीपी प्रमुख शरद पवार के आवास सिल्वर ओक से रवाना हुए। pic.twitter.com/fTHU3ow7KW

— ANI_HindiNews (@AHindinews) July 14, 2023

ધારાસભ્યોને નોટિસ પાઠવી જવાબ રજૂ કરવા જણાવ્યું
બીજી બાજુ એવું કહેવામાં આવી રહ્યું છે કે અજિત પવાર અને શરદ પવાર વચ્ચે આ કોઈ રાજકીય બેઠક કે મુલાકાત નથી. સૂત્રોનું માનીએ તો અજિત પવારના કાકી પ્રતિભા પવારના  હાથનું ઓપરેશન કરવામાં આવ્યું હતું જે સિલસિલામાં તેઓની ખબર કાઢવા માટે અજિત પવાર ગયા હતા. જોકે નિષ્ણાંતોની નજર આ બેઠક પર મંડાયેલી છે. કારણ કે આજે જ પાર્ટીના ચીફ વહીપ જીતેન્દ્ર આહવાડે અજિત પવાર જૂથના બાર ધારાસભ્યોને નોટિસ પાઠવી જવાબ રજૂ કરવા જણાવ્યું છે. જેનો હજુ 48 કલાકનો સમયગાળો ગયો નથી.

બીજી બાજુ છગન ભુજબળને ખાધ્ય નાગરિક પુરવઠા અને ગ્રાહક સુરક્ષા વિભાગની જવાબદારી સોંપાઈ છે. ઉપરાંત ડ્રગ એન્ડ એડમિનિસ્ટ્રેશનની જવાબદારી ધરમરાવબા આત્રામને,  પ્રથમ મહિલા મંત્રી તેવા અદિતિ તટકરેને મહિલા અને બાળ વિકાસ મંત્રાલયની જવાબદારી, અબ્દુલ સત્તારને અલ્પસંખ્યાક મંત્રી બનાવ્યા છે. હસન મુશ્રીફને તબીબ અને શિક્ષણ મંત્રાલય, તો કૃષિ મંત્રાલયની જવાબદારી ધનજય મુન્ડેના શિરે મૂકવામાં આવી છે. સંજય રાઠોડને જળ સંરક્ષણ વિભાગની જવાબદારી અને દેવેન્દ્ર ફડણવિસ પાસે ગૃહ સિંચાઈ અને ઉર્જા વિભાગ અપાયું છે.