અમદાવાદ / પાસપોર્ટના અરજદારોમાં 10 ટકાનો ઘટાડો, જાણો 2024માં કેટલાં ઇશ્યૂ કરાયા

ગુજરાતના લોકોમાં વેકેશનમાં વિદેશ ફરવા જવાનો ક્રેઝ સતત વધી રહ્યો છે. ત્યારે જ રાજ્યના લાખોની સંખ્યામાં વિદ્યાર્થીઓ પણ અભ્યાસ માટે વિદેશ જતા હોય છે, જેને લઈને પાસપોર્ટ ઓફિસમાં પાસપોર્ટ માટે મોટી સંખ્યામાં અરજીઓ થતી હોય છે. જો કે માહિતી અનુસાર, પાસપોર્ટના અરજદારોમાં 10 ટકાનો ઘટાડો થયો છે. પ્રાપ્ત માહિતી અનુસાર, એક વર્ષમાં પાસપોર્ટની અરજીઓમાં 10 ટકાનો ઘટાડો થયો છે.

પાસપોર્ટની અરજીમાં એક વર્ષમાં થયો 10 ટકા ઘટાડો

જણાવી દઈએ કે અમદાવાદ રિજનલ પાસપોર્ટ ઓફિસ દ્વારા વર્ષ 2024માં 8.12 લાખ પાસપોર્ટ ઈશ્યૂ કરાયા, જયારે 2023માં 8.52 લાખ પાસપોર્ટ ઈશ્યૂ કરાયા હતા. અમદાવાદ રિજનલ પાસપોર્ટથી એક વર્ષમાં 8.12 લાખથી વધુ પાસપોર્ટ ઇશ્યૂ થયા છે, એટલે કે રોજના સરેરાશ 2225 વ્યક્તિને અમદાવાદથી પાસપોર્ટ ઇશ્યૂ થયા છે. જયારે સાત વર્ષમાં લગભગ 45.37 લાખ પાસપોર્ટ જારી કરવામાં આવ્યા છે.

માહિતી અનુસાર, અમદાવાદ રિજનલ પાસપોર્ટ ઓફિસને પાસપોર્ટ માટે વર્ષ 2023માં 8.70 લાખ અરજીઓ મળી હતી, જયારે વર્ષ 2024માં પાસપોર્ટ માટે 7.92 લાખ અરજીઓ મળી હતી. આ અંગે અમદાવાદ રિજનલ પાસપોર્ટ ઓફિસના અધિકારી અભિજીત શુક્લાને ટાંકીને એક અહેવાલમાં જણાવવામાં આવ્યું કે પાસપોર્ટ માટે વર્ષ 2024માં પાંચ સ્પેશિયલ ડ્રાઇવનું આયોજન કરવામાં આવ્યું હતું. આ સિવાય હિંમતનગર, આણંદ, નડિયાદની ક્ષમતામાં પણ વધારો કરવામાં આવ્યો હતો.

પાસપોર્ટ માટે અરજી કરનારાઓનો રાહ જોવાનો સમયગાળો ઘટે એ માટેના પણ પ્રયાસો હાથ ધરવામાં આવ્યા છે. સાથે જ ગયા વર્ષે ઈ-મેલ અને સોશિયલ મીડિયા દ્વારા બે હજાર લોકોની સમસ્યાનું પણ સમાધાન કરવામાં આવ્યું હતું. આગળના વર્ષે મોબાઇલ સર્વિસ વાન પણ કાર્યરત કરવામાં આવી હતી. માહિતી અનુસાર, રાજ્યભરમાંથી દિવાળી બાદ પાસપોર્ટની અરજીઓમાં ઘટાડો થયો છે.

આ પણ વાંચો: ગુજરાતમાં સ્ટેટ મોનિટરિંગ સેલને મળ્યો અલાયદા પોલીસ સ્ટેશનનો દરજ્જો, ઓર્ગેનાઇઝ્ડ ક્રાઇમના મૂળિયાં ઉખેડશે

અમદાવાદ-આરપીઓથી ઈશ્યુ થયેલા પાસપોર્ટ

• વર્ષ 2018માં પાસપોર્ટ માટે 7,27,652 અરજીઓ આવી, 8,17,031 પાસપોર્ટ ઇશ્યૂ કરવામાં આવ્યા.
• વર્ષ 2019માં પાસપોર્ટ માટે 6,91,794 અરજીઓ આવી, 6,93,765 પાસપોર્ટ ઇશ્યૂ કરવામાં આવ્યા.
• વર્ષ 2020માં પાસપોર્ટ માટે 3,13,432 અરજીઓ આવી, 3,13,461 પાસપોર્ટ ઇશ્યૂ કરવામાં આવ્યા.
• વર્ષ 2021માં પાસપોર્ટ માટે 4,32,957 અરજીઓ આવી, 4,62,561 પાસપોર્ટ ઇશ્યૂ કરવામાં આવ્યા.
• વર્ષ 2022માં પાસપોર્ટ માટે 6,43,308 અરજીઓ આવી, 6,24,384 પાસપોર્ટ ઇશ્યૂ કરવામાં આવ્યા.
• વર્ષ 2023માં પાસપોર્ટ માટે 8,70,273 અરજીઓ આવી, 8,52,294 પાસપોર્ટ ઇશ્યૂ કરવામાં આવ્યા.
• વર્ષ 2024માં પાસપોર્ટ માટે 7,92,762 અરજીઓ આવી, 8,12,435 પાસપોર્ટ ઇશ્યૂ કરવામાં આવ્યા.

આમ છેલ્લા સાત વર્ષોમાં પાસપોર્ટ માટે 44,72,178 અરજીઓ આવી, જેમાં 45,39,931 પાસપોર્ટ ઇશ્યૂ કરવામાં આવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ