ચેતવણી / અમદાવાદમાં હવે આ વિસ્તારોમાં રાત્રે જવાનું બંધ કરી દેજો, કારણ કે...

અમદાવાદમાં કોરોના સંક્રમણનો બીજો ફેઝ શરુ થયો હોય એમ લાગે છે. એવામાં અમદાવાદીઓમાં કોરોના મુદ્દે બેદરકારી વધતી જાય છે. મોડી રાત સુધી કામ વિના રખડતા અને માસ્ક ન પહેરતા લોકો સામે તંત્રએ તવાઈ ફેરવી છે. અને શહેરના 27 વિસ્તારોમાં જ્યાં વધુ પડતી ભીડ એકઠી થતી હતી ત્યાં રાત્રે 10 વાગ્યા બાદ દુકાનોને બંધ રાખવાનો આદેશ કરાયો છે. માત્ર દવાની દુકાનો ખુલ્લી રહી શકશે.

કયા 27 વિસ્તારોમાં રાત્રી કર્ફ્યું લાગુ

• SG હાઇવે
• સિંધુભવન રોડ 
• પ્રહલાદનગર રોડ
• YMCAથી કાકે દા ઢાબા
• પ્રહલાદનગરથી પેલેડિયમ સર્કલ
• બુટભવાની મંદિરથી આનંદનગર રોડ
• ઈસ્કોન ચારરસ્તાથી શપથ-4.5 સર્વિસ રોડ
• બોપલ આંબલી રોડ
• ઈસ્કોન આંબલી રોડથી હેબતપુર વચ્ચેનો વિસ્તાર
• સાયન્સ સીટી રોડ
• શીલજ સર્કલથી સાયન્સસીટી સર્કલ સુધી 200 ફુટનો રીંગ રોડ
• આંબલી સર્કલથી વૈષ્ણોદેવી સર્કલ સુધી 200 ફુટનો રીંગરોડ
• સી.જી.રોડ
• લો ગાર્ડન
• વસ્ત્રાપુર તળાવ અને આજુબાજુનો વિસ્તાર
• માનસી સર્કલથી ડ્રાઈવઈન રોડ
• ડ્રાઈવઈન રોડ
• પ્રહલાદનગર ઓનેસ્ટથી શ્યામલ ચાર રસ્તા
• શ્યામલ બ્રિજથી જીવરાજ ચારરસ્તા
• બળિયાદેવ મંદિરથી જીવરાજ ચારરસ્તા
• IIM રોડ
• શિવરંજનીથી જોધપુર ચારરસ્તા
• રોયલ અકબર ટાવર પાસેનો વિસ્તાર
• સોનલ સિનેમાથી અંબર ટાવરથી વિશાલા સર્કલ
• સરખેજ રોજા-કેડિલા સર્કલ-ઉજાલા સર્કલ
• સાણંદ ચાર રસ્તા થી શાંતિપુરા ચોકડી

આ નવા પ્રતિબંધ લાગ્યા બાદ શું છે અમદાવાદીઓની પ્રતિક્રિયા?

આ નવા પ્રતબિંધ જાહેર કર્યા બાદ અમદાવાદીઓએ પોતાની પ્રતિક્રિયા આપી હતી. 

વ્યાપારી વર્ગે શું પ્રતિક્રિયા આપી?

આ માટેનો AMCએ એક ગુપ્ત વિડિયો જાહેર કર્યો છે જેમાં લોકો બેફિકરાઇથી માસ્ક વગર ફરે છે અને સોશ્યલ ડિસ્ટન્સિંગનો ભંગ કરી રહ્યા છે. આ વિડીઓના આધારે જ આ પ્રકારનો દુકાનોનો કર્ફ્યું જાહેર કર્યો હોય તેવી શક્યતા છે.

While AMC is working tirelessly to fight Covid19, we are witnessing huge non-adherence of Mask & Social Distancing norms across the city.Stay safe & dont forget the importance of our own safety#LifePositiveCoronaNegative@PMOIndia@CMOGuj@ibijalpatel@drrajivguptaias@Mukeshias pic.twitter.com/pRsgshMzZA

— Amdavad Municipal Corporation (@AmdavadAMC) September 27, 2020

AMCના આ વીડિયોથી કહી શકાય કે આગામી સમયમાં નવરાત્રી અને દિવાળીમાં કોરોના મહામારી શહેરમાં પોતાનું સંક્રમણ વધારી શકે છે. આ વીડિયોમાં શહેરના તમામ વિસ્તારોમાં લોકો માસ્ક વગર ફરી રહ્યા છે. બજાર હોય કે જાહેર સ્થળ લોકો માસ્ક વગર ફરી રહ્યા છે. ત્યારે AMC દ્વારા શહેરીજનો માસ્ક પહેરવા અને સામાજીક અંતર જાળવવા અપીલ કરાઇ છે.

શહેરના આ વિસ્તારોમાં કોરોના ન હોય તેવા દ્રશ્યો

આ વીડિયોમાં શહેરના પોશ વિસ્તારમાં આવેલી રાજપથ ક્લબ, ઇસ્કોન સર્કલ, મકરબા પોલીસ હેડ કોર્ટર, અંબર ટાવર જોધપુર, ગોલ્ડન રોડ સરખેજ, કર્ણાવતી ક્લબ, બોપલ, આંબલી રોડ, સિંધુ ભવન રોડ, લોવ ગાર્ડન, ગુજરાત કોમર્સ કોલેજ, કૃષ્નનગર, ઠક્કનગર, સીટીએમ સહિત શહેરના મોટા ભાગના વિસ્તારોને આવરી લેવામાં આવ્યા છે. જ્યાં લોકો પોતાના જીવનને જોખમમાં મૂકી રહ્યા છે અને કોરોનાને આમંત્રણ આપી રહ્યા છે.