રાજનીતિ / અમદાવાદ શહેર ભાજપ પ્રમુખ બનવા 23 નેતાઓ મેદાને, ધારાસભ્ય અમિત શાહ સહિતના દિગ્ગજોની દાવેદારી

અમદાવાદ ભાજપ પ્રમુખ બનવા માટે 23 લોકોએ દાવેદારી નોંધાવી છે. વર્તમાન શહેર પ્રમુખ અને એલિસબ્રિજના ધારાસભ્ય અમિત શાહે પણ ફરી એકવાર દાવેદારી કરી છે. તો ડો. ઋત્વિજ પટેલ, હિતેશ બારોટ, ભૂષણ ભટ્ટે પણ દાવેદારી કરી છે. ત્યારે આવતીકાલે મહાનગરની સંકલનની બેઠક મળશે. જે બેઠકમાં ઉમેદવારી કરનાર લોકોને અંગે કાર્યકરો પાસેથી અભિપ્રાય લેવામાં આવશે. જે અભિપ્રાય પછી પ્રદેશ નેતૃત્વને મોકલવામાં આવશે

દાવેદારી કરનારોઆનું 23 નામનું લિસ્ટ

ભાજપ શહેર પ્રમુખ માટે દાવેદારી કરનારોઆનું 23 નામનું લિસ્ટ છે. જેમાં ડો. ઋત્વિજ પટેલ, MLA જીતુ ભગત, પરેશ લાખાણી, હિતેશ બારોટ, ભૂષણ ભટ્ટ, બિપીન પટેલ, કૃષ્ણવદન બ્રહ્મભટ્ટ, નીતા પ્રજાપતિ, પરાગ નાયક સહિતનો સમાવેશ થાય છે. ત્યારે ધારાસભ્યો, સાંસદ સભ્યો અને શહેર સંગઠનના હોદ્દેદારો સાથે ચુંટણી અધિકારી બેઠક યોજશે અને બેઠકમાં ઉમેદવારી કરનાર લોકો અંગે MP - MLA અને શહેર સંગઠનના હોદ્દેદારોનો પાસેથી અભિપ્રાય લેવામાં આવશે.

આ પણ વાંચો: પોલીસ ભરતીને લઈ મહત્વના સમાચાર, ઉમેદવારો માટે બોર્ડે શરૂ કરી નવી વેબસાઈટ

પ્રદેશ પ્રમુખો માટેની ચૂંટણીને લઈ ભાજપ એક્શનમાં

તો બીજી તરફ પ્રદેશ પ્રમુખો માટેની ચૂંટણીને લઈ ભાજપ એક્શનમાં મોડમાં જોવા મળી રહી છે. પ્રદેશ પ્રમુખોની ચૂંટણી માટે અધિકારીઓની નિમણૂંક કરાઈ છે. જેમાં ગુજરાત પ્રદેશ પ્રમુખની ચૂંટણી માટે કેન્દ્રીય મંત્રી ભૂપેન્દ્ર યાદવને ચૂંટણી અધિકારી બનાવાયા છે. ત્યારે 8મી જાન્યુઆરી પછી ભૂપેન્દ્ર યાદવ ગુજરાત આવશે. ભૂપેન્દ્ર યાદવને ગુજરાતના પ્રદેશ પ્રમુખ ચૂંટણી અધિકારી બનાવાયા છે. જ્યારે ગુજરાતના પૂર્વ મુખ્યમંત્રી વિજય રૂપાણીને રાજસ્થાનની જવાબદારી સોંપાઈ છે. જ્યારે આંધ્ર પ્રદેશની પી સી મોહન અને સર્બાનંદ સોનોવાલેને અરૂણાચલ પ્રદશની જવાબદારી સોપાઈ છે. તો ઉત્તર પ્રદેશના ચૂંટણી અધિકારી તરીકે પીયુષ ગોયલ જવાબદારી સોંપાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ