કાર્યવાહી / સમઢિયાળા ગામે જૂથ અથડામણ બાદ ભારેલા અગ્રિની જેવી સ્થિતિ, કેસની તપાસ માટે SITની રચના, PSI સસ્પેન્ડ

• સુરેન્દ્રનગરનાં સમઢીયાળા ગામે જૂથ અથડામણ
• જૂથ અથડામણની ઘટનામાં 2 લોકોનાં મૃત્યું
• રેન્જ આઈજી દ્વારા સમગ્ર કેસની તપાસ માટે SIT  ની રચના કરી

સુરેન્દ્રનગરનાં સમઢિયાળા ગામે જૂથ અથડામણ બાદ માહોલ ગરમાયો છે. ત્યારે દલિત સમાજનાં લોકો રસ્તા પર ઉતર્યા છે.  તેમજ ગાંધી હોસ્પિટલ પાસે બસ બસ સ્ટેન્ડરનો રસ્તો બ્લોક કર્યો હતો. ત્યારે ન્યાયની માંગ સાથે સુત્રોચ્ચાર કરી વિરોધ પ્રદર્શન કર્યું હતું. પોલીસ દ્વારા સ્થળ પર પહોંચી રસ્તો ખુલ્લો કરાવ્યો હતો.

હત્યાકાંડને લઈને PSIને સસ્પેન્ડઃરેન્જ આઈજી અશોકકુમાર યાદવ
આ બાબતે રેન્જ IG  અશોકકુમાર યાદવે જણાવ્યું હતું કે, સુરેન્દ્રનગરનાં સમઢિયાળા ગામે હત્યાકાંડ કેસમાં SIT  ની રચના કરાઈ છે. ત્યારે રાજકોટ રેન્જ IG  અશોકકુમાર યાદવે સમઢિયાળા ગામની મુલાકાત લીધી હતી. હત્યાકાંડને લઈને PSI ને સસ્પેન્ડ કરવામાં આવ્યા હતા. તેમજ આરોપીઓ છૂટે નહી તે માટે PP  વકીલ પણ નિમવામાં આવ્યા હતા. ત્યારે સમગ્ર કેસની SIT  તપાસ કરી રહી છે. 

સમઢીયારા હત્યાકાંડ મામલો: સુરેન્દ્રનગરમાં ગાંધી હોસ્પિટલ પાસે બસ સ્ટેન્ડનો સસ્તો કરાયો બ્લોક, દલિત સમુદાયના લોકો ઉતર્યા રસ્તા પર, ન્યાયની માંગ સાથે કર્યા સૂત્રોચ્ચાર#Surendranagar #vtvgujarati pic.twitter.com/HAsTkPye2N

— VTV Gujarati News and Beyond (@VtvGujarati) July 13, 2023

ગુજરાતમાં સામાજિક સમરસતા ડહોળાઈ રહી છે- શક્તિસિંહ
સુરેન્દ્રનગરનાં સમઢીયાળા ગામમાં જમીન મુદ્દે જૂથ અથડામણ થતા 2 લોકોનાં મૃત્યું નિપજ્યા હતા. ત્યારે અથડામણની ઘટના બાદ શક્તિસિંહ ગોહિલે સુરેન્દ્રનગર પોલીસ પર આક્ષેપ કર્યા હતા. જેમાં તેઓએ ગુજરાતમાં સામાજિક સમરસતા ડહોળાઈ રહી છે. તેમજ પરિવાર વાવણી કરવા જાય ત્યારે માથાભારે લોકો ધમકીઓ આપે છે. તેમજ પીડિય પરિવારને પોલીસનું રક્ષણ ન મળ્યું. અનેક ધક્કા ખાધા બાદ પણ પોલીસે રક્ષણ આપ્યું ન હતું. 5  જુલાઈએ પરિવારે એસપીને સંબોધીને અરજી કરી હતી. જેમાં ગૃહમંત્રી અને સમાજ કલ્યાણ મંત્રાયલને પણ અરજી કરી હતી. તેમજ પરિવાર દ્વારા કલેક્ટર ઓફિસમાં પણ અરજી આપી હતી. તેમજ કલેક્ટરે અરજી પર સિક્કો માર્યો હતો.

સમઢીયારા હત્યાકાંડ મામલો: રાજકોટ રેન્જ IG અશોક કુમાર યાદવ પહોંચ્યા સુરેન્દ્રનગર, કહ્યું- આ મામલે સ્પેશિયલ SITની કરાઈ રચના, PSIને કરાયા સસ્પેન્ડ#Surendranagar #vtvgujarati pic.twitter.com/MPHFZZ7bNQ

— VTV Gujarati News and Beyond (@VtvGujarati) July 13, 2023

માથાભારે લોકો હથિયારો સાથે આવ્યા અને માર માર્યો- શક્તિસિંહ
શક્તિસિંહે જણાવ્યું હતું કે, 26 જૂને Dysp  સહિતનાં લોકોને રજૂઆત કર્યાનો અરજીમાં ઉલ્લેખ કર્યો હતો.  ગઈકાલે દલિત પરિવાર ટ્રેક્ટર લઈ પોતાનાં ખેતરમાં ગયો હતો. તે સમયે માથાભઆરે લોકો હથિયારો સાથે આવ્યા અને માર માર્યો હતો.  ટ્રેક્ટરનાં ડ્રાયવરને પણ માર મારવામાં આવ્યો હતો. આ ઘટના માટે સરકાર જવાબદાર છે. તેમજ સાંજે સુરેન્દ્રનગર જવાનો છું. ત્યારે દલિત અત્યાચાર માટે સુરેન્દ્રનગર જીલ્લો સેન્સેટિવ જાહેર કરાયેલો છે.