શોકાતૂર / અભિનેત્રી રાખી સાવંતની માતાનું મુંબઈમાં નિધન, લાંબા સમયથી બ્રેન ટયૂમરથી હતા પીડિત

• રાખી સાવંતની માતાનું આજે નિધન
• બ્રેઈન ટ્યુમરને કારણે હોસ્પિટલમાં અવસાન
• રાખીના પતિ આદિલ ખાન દુર્રાનીએ કરી પુષ્ટિ

બ્રેઈન ટ્યુમરને કારણે હોસ્પિટલમાં સારવાર હેઠળ રહેલ રાખી સાવંતની માતાનું નિધન થયું હોવાના સમાચાર સામે આવી રહ્યા છે. મહત્વનું છે કે ઘણા દિવસોથી રાખી સાવંત હોસ્પિટલમાં સારવાર હેઠળ હતા. જોકે બ્રેઈન ટ્યુમરની તબીબી સારવાર કારગત ન નિવડતા આજે તેણીએ હોસ્પિટલ બિછાને આખરી શ્વાસ ખેંચ્યા છે.  જેને પગલે રાખી સાવંત સહિત પરિવારજનો અને ફેન્સ શોકના સાગરમાં ડૂબ્યા છે.

અભિનેત્રી રાખી સાવંતની માતાનું મુંબઈમાં નિધન#RakhiSawant #Mumbai
#VtvGujarati pic.twitter.com/3HtKNnajNn

— VTV Gujarati News and Beyond (@VtvGujarati) January 28, 2023

લોકોને મનોરંજન કરવાતી રાખી સાવંત માટે આજનો દિવસ એટલે કે 28 જાન્યુઆર દુઃખદ સાબિત થયો છે. કારણ કે અભિનેત્રી રાખી સાવંતની માતા જયા સાવંતનું આજે અવસાન થયું છે. ટાટા મેમોરિયલ કેન્સર હોસ્પિટલમાં બ્રેઈન ટ્યુમર સામેની લડતમાં આજે તેણી જિંદગી સામેનો જંગ હારી ગઈ છે. મહત્વનું છે કે રાખીના પતિ આદિલ ખાન દુર્રાનીએ જયા સાવંતના નિધન અંગે માહિતી આપી છે.

થોડા દિવસ અગાઉ રાખીએ આપી હતી માહિતી

થોડા દિવસો આગાઉ રાખી સાવંત મરાઠી બિગ બોસ શોમાંથી બહાર આવતાની સાથે જ તેની માતાની ખરાબ તબિયત અંગે ખ્યાલ આવ્યો હતો. જેને પગલે તેણીએ બિગ બોસ હાઉસ છોડી સીધી હોસ્પિટલ ખાતે દોડી ગઈ હતી. જ્યાંથી રાખી સાવંતે લાઈવ સેશન કર્યું હતું અને પોતાની માતાની તબિયત અંગે ચાહકોને માહિતી આપી હતી. એટલું જ નહીં ચોધાર આશુએ તેણીએ રડતા રડતા કહ્યું હતું કે તેની માતાને કેન્સર પછી બ્રેઈન ટ્યુમર થયું હતું. જે હાલ સારવાર હેઠળ હોસ્પિટલમાં હોવાનું કહ્યું હતું. ત્યારબાદ રાખીએ આદિલ સાથેના તેના લગ્ન વિશે માહિતી આપી હતી.