દુઃખદ / અમેરિકામાં વસતા ગુજરાતી પરિવારે અકસ્માતમાં બે દીકરા ખોયા

• અમેરિકામાં અકસ્માત થતા 2 ગુજરાતી યુવકના મૃત્યુ
• હોસ્ટનના કિવિલેન્ડ ખાતે થયો ગમખ્વાર અકસ્માત
• 2 કાર વચ્ચે થયો અકસ્માત

રવિવારના રોજ તેઓ મોટલ પર કામ પતાવી સાંજે પત્નિ જાગૃતિબેન, પુત્રો નીલ પટેલ (19) અને રવિ પટેલ (14) સાથે તેમની ટોયોટા કેમરી કારમાં કિવિલેન્ડ ખાતે ઘરે જવા નીકળયા હતા. કારમાં ધર્મેશભાઈ અને તેમના પત્ની જાગૃતિબેન આગળ બેઠા હતા, જયારે બન્ને દીકરાઓ કારમાં પાછળની સીટ પર બેઠા હતા. કાર સેનજેસીનટો નદી નજીકથી પસાર થતા હતા, ત્યારે એક વાહનને અકસ્માત થયું હોવાથી તેમની કાર થોભાવી હતી.

ઉભેલી કારને ટક્કર વાગી

પાછળથી આવતી એક મોબાઈલ પીકઅપ વાનના ચાલકે કારની પાછળના ભાગે અથડાવી દેતાં પાછળનો ભાગ ખુરદો થઈ ગયો હતો, પાછળની સીટમાં બેસેલ બન્ને દીકરાઓ નીલ અને રવિને ગંભીર ઇજાઓ થવાથી એકનું સ્થળ પર જ મૃત થયું હતું.

વ્યારાના વાલોડ તાલુકાના બાજીપુરા ગામના NRI પટેલ પરિવાર માથે પહાડ તુટી પડ્યો

25 વર્ષથી અમેરિકામાં સ્થાયી થયેલા વ્યારાના વાલોડ તાલુકાના બાજીપુરા ગામના NRI પટેલ પરિવારની કારને હોસ્ટન શહેરમાં સાંજના સમયે પાછળથી એક પિકઅપ મોબાઈલના ચાલકે ધડાકાભેર અથડાવતા અકસ્માત થયો હતો. કારમાં પાછળ બેસેલા પરિવારના લાડકવાયા 2 દીકરાઓને ગંભીર ઇજા થવાથી મોત થયા હતા. વાલોડ તાલુકાના બાજીપુરા ગામે પટેલ ફળિયામાં રહેતા સુરેશભાઈ કરશનભાઇ પટેલના પુત્રો ધર્મેશભાઈ પટેલ અને હિતેષભાઇ પટેલ આજથી 25 વર્ષ પહેલા અમેરિકામાં સ્થાઇ થઇ મોટેલ લઈ બિઝનેશને વિકસાવ્યો હતો.