મનોરંજન / બોલિવુડમાં ડેબ્યુ પહેલા આમિર ખાનના પુત્રએ બદલ્યો લુક, ટ્રાન્સફોર્મેશન જોઈ લોકોએ કહ્યું 'પિતાની કાર્બન કોપી

• સ્ટારકિડ્સને લઈને સોશિયલ મીડિયા પર હંમેશા ક્રેઝ જોવા મળે છે
• આમિર ખાનની આગામી જનરેશન પણ ફિલ્મો કરવા માટે તૈયાર
• આ મોટા બેનર હેઠળ ફિલ્મોમાં કરશે ડેબ્યુ

સ્ટારકિડ્સને લઈને સોશિયલ મીડિયા પર હંમેશા ક્રેઝ જોવા મળે છે. શાહરૂખ ખાનની દીકરી સુહાના ખાન, બોની કપૂરની નાની પુત્રી ખુશી કપૂર અને સૈફ અલી ખાનનો પુત્ર ઇબ્રાહિમ અલીનો સમાવેશ થાય છે. હવે આ લિસ્ટમાં આમિર ખાનના પુત્ર જુનૈદ ખાનનું નામ પણ જોડાઈ ગયું છે. જુનૈદ જલ્દી જ પિતાની જેમ એક્ટિંગમાં કરિયર બનાવશે. 

બોલીવુડ અભિનેતા આમિર ખાન છેલ્લા 3 દાયકા કરતા પણ વધુ સમયથી બોલિવુડ સાથે જોડાયેલ છે. આમિર ખાનની આગામી જનરેશન પણ ફિલ્મો કરવા માટે તૈયાર છે. આમિર ખાનના દીકરા જુનૈદ ખાન અન સ્ટાર કિડ્સની સરખામણીએ લાઈમલાઈટથી દૂર રહે છે. 

જુનૈદ ખાન તેના પિતા આમિર ખાનની જેમ એક્ટિંગની દુનિયામાં હાથ અજમાવવા માટે તૈયાર છે. થોડા સમય પહેલા જ જુનૈદ ખાનના ડેબ્યુ બાબતે કન્ફર્મેશન સામે આવ્યું હતું. જુનૈદ ખાન સૌથી મોટા પ્રોડક્શન હાઉસ યશરાજ ફિલ્મ્સના બેનર હેઠળ કરિઅરની શરૂઆત કરવા જઈ રહ્યા છે. આ ફિલ્મનું નિર્દેશન સિદ્ધાર્થ પી.મલ્હોત્રા કરશે, જેમણે અગાઉ રાની મુખર્જી સાથે ફિલ્મ 'હિચકી' બનાવી છે. 

ડેબ્યુ ફિલ્મ
જુનૈદ ખાન નેટફ્લિક્સની ફિલ્મ ‘મહારાજ’થી ડેબ્યુ કરશે. આ ફિલ્મમાં જયદીપ અહલાવત અને સાવરવરી વાઘ પણ મુખ્ય ભૂમિકા ભજવતા જોવા મળશે. 

#YashRajFilms and @NetflixIndia COME TOGETHER to form a new multi-year creative partnership.. The first two projects to come out of this association are — #AamirKhan's son Junaid Khan's debut film #Maharaj, and four-part thriller series #TheRailwayMen directed by Shiv Rawail!🔥 pic.twitter.com/FeRvcjiykJ

— Rahul Raut (@Rahulrautwrites) September 15, 2023

જુનૈદ ખાન ફોટો વાયરલ
થોડા સમય પહેલા જુનૈદ ખાનનો ફોટો સામે આવ્યો હતો. આ ફોટોમાં જુનૈદ ખાનને ઓળખવો ખૂબ જ મુશ્કેલ થઈ રહ્યું છે અને લોકો આ ફોટો પર અલગ અલગ રિએક્શન આપી રહ્યા છે. 

Like father like son?
Perfection or EasySwag??#JunaidKhan all grown up & ready to take on the Cameras & the Lights💥#AamirKhan pic.twitter.com/hZhMeofWqB

— Avinash Gowariker (@avigowariker) October 19, 2023

આ ફોટોમાં જુનૈદ ખાનને લુક ખૂબ જ અલગ જોવા મળી રહ્યો છે. લોકોના મનમાં સવાલ થઈ રહ્યો છે કે, શું તે આમિર ખાનના દીકરો છે?

ફિલ્મ ‘મહારાજ’ સાચી ઘટનાઓથી પ્રેરિત 
ફિલ્મ ‘મહારાજ’  સાચી ઘટનાઓથી પ્રેરિત છે. આ વાર્તા 1800ના દાયકામાં બનેલી એક સામાજિક રોમાંચક છે, જે એક પત્રકારની કહાની છે. જુનૈદ આ ફિલ્મમાં પત્રકારની ભૂમિકા ભજવતો જોવા મળશે. આ ફિલ્મમાં જયદીપ વિલનની ભૂમિકામાં જોવા મળશે.