મનોરંજન / ક્યારથી શરૂ થશે આમિર ખાનની ફિલ્મ 'સિતારે જમીન પર' નું શૂટિંગ? આવી ગયું શેડ્યૂલ

વર્ષ 2007માં આમિર ખાનની ફિલ્મ 'તારે જમીન પર' આવી હતી. આ ફિલ્મને દર્શકો તરફથી અપાર પ્રેમ મળ્યો હતો. હવે 16 વર્ષ પછી આમિર ખાન આ ફિલ્મનો આગામી ભાગ લઈને આવી રહ્યો છે જેનું નામ હશે 'સિતારે જમીન પર'. આ ફિલ્મનું શૂટિંગ આવતા મહિનાથી દિલ્હીમાં શરૂ થઈ શકે છે.

11 બાળકો સાથે દિલ્હી પહોંચશે આમિર ખાન 

અહેવાલ મુજબ, આમિર ખાન 'સિતારે જમીન પર'ના શૂટિંગ માટે આવતા મહિને દિલ્હી આવશે. તેની સાથે 11 બાળકો દિલ્હી આવશે જે આ ફિલ્મનો ભાગ હશે. આમિર ખાન સાથે સ્ટાર કાસ્ટના અન્ય લોકો પણ આવશે. જો કે હજુ સુધી તેના વિશે કોઈ માહિતી સામે આવી નથી.

શું હશે ફિલ્મની વાર્તા?

રિપોર્ટ્સનું માનીએ તો આ ફિલ્મ પેરાલિમ્પિક ગેમ્સ પર આધારિત હશે. ફિલ્મનું શૂટિંગ મે અને જૂન વચ્ચે દિલ્હીમાં થશે. આમિર ખાનની સાથે આવેલા બાળકો શૂટ માટે વિવિધ પેરાલિમ્પિક રમતોમાં ભાગ લેશે. આ ફિલ્મનું શૂટિંગ દિલ્હીમાં લાલ કિલ્લો, લોધી ગાર્ડન, જૂની દિલ્હી અને ત્યાગરાજા સ્ટેડિયમ જેવા વિવિધ સ્થળોએ થશે.

વધુ વાંચો: 600 કરોડની ફિલ્મ 'કલ્કિ' માટે આનંદ મહિન્દ્રા પાસેથી લંબાવાયો મદદનો હાથ, ખોલી દીધું રિસર્ચ સેન્ટર

અહેવાલ મુજબ આ ફિલ્મમાં આમિર ખાન સાથે બોલિવૂડ એક્ટ્રેસ જેનેલિયા ડિસોઝા જોવા મળશે. રિપોર્ટ્સનું માનવામાં આવે તો આ ફિલ્મ ક્રિસમસની આસપાસ રિલીઝ થઈ શકે છે.