જોખમી સ્ટંટ / ઉજવણીના ઉત્સાહમાં અતિરેક.! ફટાકડાને સળગાવી દોડતા યુવાને લોકોને ડરાવ્યા, આગ ઓકતાં યુવાનને જ્વાળા મોઢા પર લાગી

• કૃષ્ણ જન્મોત્સવમાં યુવકો ભાન ભૂલ્યા 
• જોખમી રીતે ફટાકડા ફોડતા લોકોમાં ભય
• સુરતમાં આગ ઓકતાં જ્વાળા મોઢા પર લાગી

રાજ્યમાં ગુરૂવારે જન્માષ્ટમીની ધામઘૂમપુર્વક ઉજવણી કરવામાં આવી છે. જો કે રાજ્યમાંથી અનેક સ્થળોએ ઉજવણીમાં અતિરેક કરી પોતાની જાત અને બીજા લોકો માટે ભય સર્જતા લોકોના દ્રશ્યો સામે આવ્યા છે. ઉજવણીમાં અતિરેકની એક તસવીર વડોદરામાંથી સામે આવી જ્યાં જન્માષ્ટમીની ઉજવણીને દરમિયાન યુવકે જોખમી રીતે ફટાકડા ફોડતા ઉપસ્થિત લોકોમાં ભય ફેલાયો હતો. તો બીજી તરફ સુરતમાં જન્માષ્ટમીના કાર્યક્રમમાં સ્ટંટ કરતા સમયે યુવાન દાઝી ગયો હતો.

જોખમી રીતે ફટાકડા ફોડ્યા
વડોદરામાં કૃષ્ણ જન્મોત્સવ દરમિયાન યુવકો ભાન ભૂલ્યા છે. જોખમી રીતે ફટાકડા ફોડતા લોકોમાં ભય ફેલાયો હતો. હાથમાં ફટાકડા લઇ દોડતા યુવકથી લોકોમાં ફફડી ઉઠ્યા હતાં. જોખમી રીતે ઉજવણીનો વીડિયો વાયરલ થયો છે. યુવાનની હરકતથી વિસ્તારમાં આગ લાગવાની પણ શક્યતા હતી.

સ્ટંટ કરતા સમયે યુવાન દાઝી ગયો
બીજી બાજુ સુરતમાં જન્માષ્ટમીના કાર્યક્રમમાં સ્ટંટ કરતા સમયે યુવાન દાઝી ગયો હતો. યુવાને મોઢામાં જ્વલનશીલ પ્રવાહી નાખીને આગ ઓકતાં આગની જ્વાળા મોઢા પર લાગી હતી. જો કે સદનસીબે યુવાનને કોઇ ગંભીર ઇજા થઇ ન હતી. અનેક વખત ઉજવણીના આવેશમાં અતિરેક કરતાં યુવાનો મોટા અકસ્માત નોતરી દેતાં હોય છે. તેવામાં સંયમ રાખી અન્યો માટે જોખમ ન સર્જાય તે રીતે ઉજવણી કરવાની આવા યુવાનોને લોકોએ ટકોર કરવામાં આવી હતી.