સુવિધા / અમદાવાદીઓને આંખના કણાની જેમ ખૂંચતી ટ્રાફિકની સમસ્યાનો ટકાટક ઉકેલ, તમારા ફોનમાં મળશે અપ ટુ ડેટ માહિતી, જુઓ કેવી રીતે

• અમદાવાદમાં પાર્કિંગની સમસ્યાને લઈ મહત્વનો નિર્ણય 
• અમદાવાદ શહેરમાં AMC સંચાલિત 70 પાર્કિંગ પ્લોટ આવેલા છે
• AMDA park એપ્લિકેશનમાં પાર્કિંગ અંગેની માહિતી મળશે

અમદાવાદ માં દિવસે ને દિવસે ટ્રાફિક ની સાથે વાહન પાર્ક ની સમસ્યા વધી રહી છે ..વાહન ચાલકો એ ક્યાંક શોપિંગ કરવા કે ઓફિસ ના કામે જવું હોય અને વાહન પાર્ક કરવું હોય તો પાર્કિંગ નથી મળતું ..પરંતુ હવે નાગરિકોની સમસ્યા નું નિવારણ આવી ગયું છે. અમદાવાદ મહાનગર પાલિકા દ્વારા સંચાલિત પાર્કિંગ પ્લોટ ની નાગરિકો ઉપયોગ કરી શકે તે માટે AMDA park એપ્લિકેશન પર તમામ માહિતી મુકવામાં આવશે જેથી નાગરિકો શહેર ના તમામ વોર્ડ માં વાહન પાર્ક કરી શક્શે ..

અમદાવાદ શહેરમાં કોર્પોરેશનનાં 70 જેટલા પાર્કિંગ આવેલા છે
આ બાબતે AMC નાં ટાઉન પ્લાનીંગ ચેરમેન દેવાંગ દાણીએ જણાવ્યું હતું કે અમદાવાદ શહેરમાં કોર્પોરેશનનાં 70 જેટલા પાર્કિંગ આવેલા છે.  કોર્પોરેશનની વેબસાઈટ પર પણ કઈ જગ્યાએ કેટલા પાર્કિગ આવેલા છે. તેની તમામ વિગત આ એપ્લીકેશનમાં જોવા મળશે. તેમજ મેટ્રો, બીઆરટીએસ તેમજ એએમટીએસ દ્વારા મુસાફરી કરતા લોકો પણ એપના માધ્યમથી પાર્કિંગ વિશે જાણી શકશે. 

અમદાવાદ મહાનગર પાલિકા દ્વારા વિવિધ વિસ્તારો માં 70 થી વધુ પાર્કિંગ ની વ્યવસ્થા ઉભી કરવામાં આવી છે ..જેમાં બ્રિજ નીચે અને ખાલી પડેલા પ્લોટ માં આ વ્યવસ્થા ઉભી કરવામાં આવી છે તો સી જી રોડ પર સ્ટ્રીટ સાઈટ પે એન્ડ પાર્ક છે ..એપ્લિકેશન માં લોકેશન નાખતા જ નજીક નું પાર્કિંગ સ્ટેશન બતાવશે જેથી સરડતા થી વાહન પાર્ક થઈ શકે ..

વાહનોનાં ઓનસ્ટ્રીટ પાર્કિંગ માટે કવાયત
અમદાવાદમાં પાર્કિંગની વાત કરીએ તો મલ્ટિ લેવલ પાર્કિંગ તેમજ મ્યુનિ. પ્લોટમાં પાર્કિંગ જેવી ઓફલાઈન પાર્કિંગની સુવિધાની સાથે-સાથે તંત્રે ઓનસ્ટ્રીટ પાર્કિંગનો નવો અભિગમ અપનાવ્યો છે, જે અંતર્ગત દક્ષિણ-પશ્ચિમ ઝોનમાં આવેલા ટોરેન્ટ ક્રોસિંગથી સરખેજ-વિશાલા હાઇવે ક્રોસ રોડ સુધી વાહનોનાં ઓનસ્ટ્રીટ પાર્કિંગ માટેનાં ચક્રો ગતિમાન કરાયાં છે. 
વાહનોનાં ઓનસ્ટ્રીટ પાર્કિંગ માટે કવાયત
અમદાવાદમાં પાર્કિંગની વાત કરીએ તો મલ્ટિ લેવલ પાર્કિંગ તેમજ મ્યુનિ. પ્લોટમાં પાર્કિંગ જેવી ઓફલાઈન પાર્કિંગની સુવિધાની સાથે-સાથે તંત્રે ઓનસ્ટ્રીટ પાર્કિંગનો નવો અભિગમ અપનાવ્યો છે, જે અંતર્ગત દક્ષિણ-પશ્ચિમ ઝોનમાં આવેલા ટોરેન્ટ ક્રોસિંગથી સરખેજ-વિશાલા હાઇવે ક્રોસ રોડ સુધી વાહનોનાં ઓનસ્ટ્રીટ પાર્કિંગ માટેનાં ચક્રો ગતિમાન કરાયાં છે. 

કયા-કયા ઓનસ્ટ્રીટ પાર્કિંગની કવાયત ? 
દક્ષિણ-પશ્ચિમ ઝોનમાં અતિવ્યસ્ત શ્યામલ ચાર રસ્તાથી શિવરંજની ચાર રસ્તા સુધીના રોડની એક બાજુ 38 ટુ વ્હીલર અને 61 ફોર વ્હીલર મળીને કુલ 99 વાહન અને ટીપી સ્કીમ નં. 23+26 હેઠળ સર્કલ પીથી દિવ્ય ભાસ્કર પ્રેસ સુધીના રોડ પર 180 ટુ વ્હીલર અને 93 ફોર વ્હીલર મળીને કુલ 273 વાહન અને ટીપી નં. 85નો 100 ફૂટના રોડ એટલે કે મેડી પ્લસ બિલ્ડિંગથી સવેરા હોટલની બાજુથી પસાર થતા રોડની એક બાજુએ 187 ટુ વ્હીલર અને 38 ફોર વ્હીલર મળીને કુલ રરપ વાહનના ઓનસ્ટ્રીટ પાર્કિંગની તજવીજ હાથ ધરવામાં આવી હતી. આ ત્રણેય રોડ પર 405 ટુ વ્હીલર અને 192 ફોર વ્હીલર મળીને કુલ 597 વાહનનો સમાવેશ થાય છે.

પશ્ચિમ ઝોનની વાત કરીએ તો શહેરના સૌથી સમૃદ્ધ આ ઝોનમાં વાહનચાલકોને સી.જી. રોડ પર 830 ટુ વ્હીલર અને 415 ફોર વ્હીલર, માઉન્ટ કાર્મેલથી મીઠાખળી છ રસ્તા પર 228 ટુ વ્હીલર અને 78 ફોર વ્હીલર અને હેપી સ્ટ્રીટ ફરતે 1617 ટુ વ્હીલર અને 294 ફોર વ્હીલરના પાર્કિંગની સુવિધા મળી રહી છે.  હવે દક્ષિણ-પશ્ચિમ ઝોનમાં આવેલા ટીપી સ્કીમ નં. 84/એના ટોરેન્ટ ક્રોસિંગથી સરખેજ-વિશાલા ક્રોસ રોડ સુધીના 40 મીટરના રોડ પર ઓનસ્ટ્રીટ પાર્કિંગની સુવિધા વાહનચાલકોને આપવા માટેનાં ચક્રો ગતિમાન કરાયાં છે. આ ઓનસ્ટ્રીટ પાર્કિંગ હેઠળ વાહનચાલકોનાં 216 ટુ વ્હીલર અને 394  ફોર વ્હીલર મળીને કુલ 610 વાહનો રોડ પર પાર્કિંગ કરી શકાશે.