સંસ્મરણો / 63 વર્ષ પહેલા બનેલી એક ઐતિહાસિક ઘટના: જ્યારે ભાવનગરના મહારાજાએ બ્રાઝિલના એક પરિવારને ગીર ગાયનો ખૂટ આપ્યો હતો, આજે વિશ્વમાં અવ્વલ

• ભાવનગરનાં રાજવી પરિવારમાં ઐતિહાસિક ઘટનાની યાદ તાજી થઈ
• મહારાજા કૃષ્ણકુમારસિંહજીએ બ્રાઝિલના એક પરિવારને ગીર ગાયનો ખૂટ આપ્યો હતો
• આજે સમગ્ર દુનિયામાં ગીર ગાયની સૌથી વધુ વસ્તી બ્રાઝિલમાં છે

ભાવનગરના રાજવી પરિવાર માં 63 વર્ષ પહેલા બનેલી એક ઐતિહાસિક ઘટનાની યાદ તાજી થવા પામી હતી. ભાવનગરના મહારાજા કૃષ્ણકુમારસિંહજીએ બ્રાઝિલના એક પરિવારને ગીર ગાયનો ખૂટ આપવામાં આવ્યો હતો. અને તેના કારણે આજે સમગ્ર દુનિયામાં ગીર ગાયની સૌથી વધુ વસ્તી બ્રાઝિલમાં છે. જે પરિવાર આજે ભાવનગર આવ્યો હતો અને નિલમબાગ પેલેસ ખાતે રાજવી પરિવારને મળ્યો હતો અને જૂના સંસ્મરણો તાજા કર્યા હતા.

ગીર ગાયનો એક ક્રિષ્ણા નામનો ખુટ બ્રાઝિલને આપવામાં આવ્યો હતો

ભાવનગરના મહારાજ કૃષ્ણકુમારસિંહજીએ આઝાદ ભારત માટે સૌથી પ્રથમ રજવાડું દેશને સમર્પિત કર્યું હતું. તેના કારણે તેમનું નામ આજે ઇતિહાસમાં સુવર્ણ અક્ષરે લખાયુ છે. ભાવનગરના આ રાજવીએ 63 વર્ષ પહેલા તેમની પાસે રહેલી ગીર ગાયનો એક ક્રિષ્ણા નામનો ખુટ બ્રાઝિલને આપવામાં આવ્યો હતો. આ પરિવારે તેની જાળવણી કરી અને ત્યાં ગીર ગાયનું સંવર્ધન થયું. અને આજે બ્રાઝિલમાં ગીર ગાયની સંખ્યા લાખોમાં છે. જે પરિવારમાં આ ખૂંટ આપવામાં આવ્યો હતો. તે પરિવાર ભાવનગર આવ્યો હતો. અને રાજવી પરિવારને મળ્યો હતો. બ્રાઝિલની એક ગીર ગાય દરરોજ નું 60 થી 70 લિટર દૂધ આપે છે. તેમ ત્યાંના પરિવારના ગ્રેબ્રિયલ ગ્રાસિયાએ જણાવ્યું હતું. તેઓ વિશ્વના ૩૦ દેશોમાં abcz નામની સંસ્થા ચલાવે છે. અને ગીર ગાય માટે કામ કરી રહી છે.  

  બ્રાઝિલથી આવેલ પરિવારનું ભાવનગર સ્ટેટ યુવરાજે સ્વાગત કર્યું

બ્રાઝિલથી આ પરિવાર આજે ભાવનગર ખાતે નિલમબાગ પેલેસ ખાતે આવ્યા હતા. જ્યાં ભાવનગર સ્ટેટ યુવરાજ જય વિરરાજસિંહે તેમનું સ્વાગત કર્યું હતું. જય યુવરાજસિંહજીએ જણાવ્યું હતું, કે હું નાનો હતો. ત્યારે મારા પરિવાર સાથે બ્રાઝિલ ગયો હતો. જે મને આજે યાદ છે. તેમને જણાવ્યું હતું કે આપણે ગીર ગાયની સંખ્યા વધારવા અને તેની જાળવણી કઈ રીતે કરવી તે જાણવું જરૂરી છે. જે કામ સરકાર અને જનતાએ કરવું પડશે. 

એક ખુંટના કારણે આજે બ્રાઝીલમાં ફૂડ સિક્યોરિટી વધી

ભાવનગરના રાજવીઓ દીર્ઘ દ્રષ્ટિ વાળા હતા. અને તેમને આપેલા એક ખુંટના કારણે આજે બ્રાઝીલમાં ફૂડ સિક્યોરિટી વધી છે. અને તેની ઈકોનોમી પણ આ ગીર ગાયના કારણે વધી છે. તેમ બ્રાઝીલથી આવેલા આગેવાનોએ જણાવ્યું હતું.

ગીરગાય ની ખાસિયત 

• ગીર ગાયનું માથું લાબું અને ભરાવદાર હોઈ છે 
• ગીર ગાય ના કાન લાંબા હોઈ છે અને ગળા નિ બન્ને બાજુ ભેગા થઇ શકે છે 
• ભારતમાં ગીર ગાય દરરોજ 30  થી 45 લીટર દૂધ આપે છે બ્રાઝીલ માં દરરોજ એક ગાય 70 થી 80 લીટર દૂધ આપે છે