ભારેખમ માંગ / ગોજારીયાને તાલુકો બનાવવાનો મામલો મેદાને પડ્તા વિરોધનો વંટોળ, ચૂંટણી બહિષ્કારની ચીમકી, જાણો શું છે વિરોધનું અસલી કારણ

• મહેસાણામાં એક તાલુકાને લઈને ત્રણ ગામ વચ્ચે બબાલ 
• ભૂતકાળમાં બે વખત તાલુકો બનાવી રદ કરાયેલો
• કુકરવાડા વિજાપુર તાલુકાનું સૌથી મોટું ગામ છે

Mehsana News : મહેસાણા જિલ્લામાં એક તાલુકાને લઈને ત્રણ ગામ વચ્ચે બબાલ શરૂ થઈ છે. ભૂતકાળમાં બે વખત તાલુકો બનાવી રદ કરાયેલા ગોજારીયાને ફરી એક વખત તાલુકો બનાવવા કામગીરી અંરભાઈ છે. ત્યારે હવે સરખી વસ્તી ધરાવતા લાઘણજ અને કુકરવાડા ગામના નાગરિકોએ પણ પોતાના ગામને તાલુકો બનાવવાની માગ કરી છે. કુકરવાડા વિજાપુર તાલુકાનું સૌથી મોટું ગામ છે. 

તાલુકો બનાવવાની માંગ
લાંઘણજ અને ગોજારીયા મહેસાણા જિલ્લાના સરખી વસ્તી ધરાવતા સૌથી મોટા બે ગામ છે. આ ત્રણેય ગામના અગ્રણીઓ અને નાગરિકો દ્વારા તેમના ગામને તાલુકો બનાવવાની માગ કરવામાં આવી છે. તો વળી લાઘણજ ગામના લોકોએ તો આ મામલે કોર્ટમાં જવા સુધીની અને ચૂંટણીનો બહિષ્કાર કરવા સુધીની ચીમકી ઉચ્ચારી છે, તો વળી કુકરવાડાના નાગરિકોએ તાલુકો નહીં તો જેલ ભરો આંદોલન કરવાની ચીમકી આપતા મહેસાણામાં એક તાલુકાને લઈને બબાલ શરૂ થઈ છે.

તાલુકાને લઈ તંજ ખેચાયા
મહેસાણા તાલુકાના સૌથી મોટા ગામ ગોજારીયા ને મહેસાણા જિલ્લાનો 11મો તાલુકો બનાવવાની પ્રક્રિયા પ્રારંભ થવાની સાથે જ બબાલ શરૂ થઈ છે. થોડા સમય પૂર્વે જિલ્લા કલેકટર દ્વારા ગોજારીયા ને તાલુકો બનાવવા તાલુકા પંચાયત,ગ્રામ પંચાયત અને જિલ્લા પંચાયત પાસે સંમતિ ઠરાવ ની માગણી કરવામાં આવી હતી.આ પ્રક્રિયા ને પગલે હવે ગોજારીયા જેટલી જ વસ્તી ધરાવતું મહેસાણા તાલુકાનું લાંઘણજ ગામ અને વિજાપુર તાલુકાનું કુકરવાડા ગામ મેદાનમાં આવ્યું છે.અને હવે આ ગામના નાગરિકો દ્વારા પણ પોતાના ગામને તાલુકો બનાવવાની માગ કરી ચુક્યા છે. આ પૂર્વે મહેસાણા તાલુકા પંચાયતમાં સંમતિ માટે બોલાવેલી બેઠકમાં ગોજારીયાને તાલુકો બનાવવામાં ભાજપના 4 અને કોંગ્રેસના 8 સભ્યોએ સંમતિ આપવાનો ઇન્કાર કર્યો હતો.