7 ફોટો ગેલેરી

બિઝનેસ / દિવાળી પહેલા ચાંદી ₹5,000 સસ્તી, સોનાના ભાવમાં પણ મોટો ઘટાડો!

Last Updated: 11:48 AM, 22 October 2026

FOLLOW ON

શેર કરો

સોના-ચાંદીના ભાવમાં ફરી મોટો ઘટાડો નોંધાયો છે. 22 ઑક્ટોબરે ચાંદી પ્રતિ કિલો 5370 રૂપિયા સસ્તી થઈ જ્યારે સોનાના ભાવ પણ પ્રતિ 10 ગ્રામ 1768 રૂપિયા ગગડ્યા છે. ચાંદી તેના રેકોર્ડ ભાવથી 2.16 લાખથી વધુ સસ્તી થઈ ગઈ છે, તો સોનાના નવા ભાવ શું છે? જાણો તાજા આંકડા અને ખરીદી પહેલાં ધ્યાનમાં રાખવા જેવી બાબતો વિષે.

1/7

1. મલ્ટી કમોડિટી એક્સચેન્જ

ગુરુવારે સોના-ચાંદીના ભાવમાં મોટી ઘટાડો જોવા મળ્યો છે. મલ્ટી કમોડિટી એક્સચેન્જ પર વાયદા વેપારની શરૂઆત થતાં જ બંને કિંમતી ધાતુઓના ભાવ તૂટી પડ્યા હતા. જેમાં ચાંદીનો ભાવ અચાનક 5000 રૂપિયા પ્રતિ કિલોથી વધુ ઘટી ગયો અને 2.03 લાખ રૂપિયા પ્રતિ કિલોના સ્તરે આવી ગયો. આ સાથે જ વાયદા સોનું પણ સારી રીતે નીચે આવી ગયું અને હવે 1.44 લાખ રૂપિયા પ્રતિ 10 ગ્રામના સ્તરે વેપાર કરી રહ્યું છે.

આ તસવીર શેર કરો

2/7

2. ચાંદીનો ભાવ અચાનક ક્રેશ

છેલ્લા ચાર દિવસથી ચાંદીના ભાવમાં સતત ઘટાડાનો સિલસિલો ચાલુ છે પણ ગુરુવારે આ ઘટાડો વધુ તીવ્ર બન્યો છે. MCX પર વેપારની શરૂઆતમાં જ 4 ડિસેમ્બરની એક્સપાયરીવાળી 1 કિલો ચાંદીનો ભાવ ઘટીને 2,03,798 રૂપિયા રૂપિયા પર આવી ગયો જ્યારે ગયા વેપારી દિવસે તે 2,09,168 રૂપિયા પર બંધ થઈ હતી. આ મુજબ ગણતરી કરીએ તો ચાંદી એક ઝટકામાં 5,370 રૂપિયા પ્રતિ કિલોગ્રામ સસ્તી થઈ ગઈ.

આ તસવીર શેર કરો

3/7

3. લાઇફ ટાઇમ હાઇથી હવે કેટલી સસ્તી

જાન્યુઆરી મહિનાના છેલ્લા અઠવાડિયામાં MCX પર ચાંદીનો ભાવ પહેલીવાર 4 લાખનું ઐતિહાસિક સ્તર પાર કરીને 4,20,048 રૂપિયાના હાઇ પર પહોંચ્યુ હતું. વર્તમાન ભાવના આધારે જોઈએ તો હવે આ હાઇથી ચાંદી 2,16,250 રૂપિયા સસ્તી મળી રહી છે.

આ તસવીર શેર કરો

4/7

4. સોનાનો ભાવ પણ ધડામ

ફક્ત ચાંદી જ નહીં સોનાનો વાયદા ભાવ પણ તૂટી પડ્યો છે. MCX પર 4 ડિસેમ્બરની એક્સપાયરીવાળો 10 ગ્રામ 24 કેરેટ સોનાનો ભાવ ગુરુવારે ખુલતાં જ ઘટીને 1,44,311 રૂપિયા પર આવી ગયો હતો. બુધવારે આ કિંમતી ધાતુ 1,46,079 રૂપિયા પ્રતિ 10 ગ્રામ પર બંધ થઈ હતી. આ મુજબ સોનું 1768 રૂપિયા પ્રતિ 10 ગ્રામ સસ્તું થઈ ગયું છે.

આ તસવીર શેર કરો

5/7

5. આ અઠવાડિયે સોનું કેટલું તૂટ્યું ?

આ અઠવાડિયાની શરૂઆતથી જ સોનાના ભાવમાં ઘટાડાનો સિલસિલો ચાલુ છે. ગયા અઠવાડિયાના છેલ્લા વેપારી દિવસે શુક્રવારે વાયદા વેપારમાં સોનાની કિંમત 147,918 રૂપિયા પ્રતિ 10 ગ્રામ પર બંધ થઈ હતી. ગુરુવારે ખબર લખાતા સુધી સોનાનો ભાવ 3607 રૂપિયા સુધી ગગડી ગયો હતો. ઑક્ટોબર મહિનામાં જોઈએ તો 30 સપ્ટેમ્બરે 10 ગ્રામ સોનું 149,036 રૂપિયાનું હતું અને હવે સુધી તે 4,725 રૂપિયા પ્રતિ 10 ગ્રામ સસ્તું થઈ ચૂક્યું છે.

આ તસવીર શેર કરો

6/7

6. સોનું-ચાંદી ખરીદતાં પહેલાં આ વાત યાદ રાખો

MCX પર દર્શાવાતા ભાવ વાયદા બજારના હોય છે. જ્યારે જ્વેલરીની દુકાનમાં મળતા ભાવ અલગ હોઈ શકે છે. સ્થાનિક ટેક્સ 3% GST અને જ્વેલરીના મેકિંગ ચાર્જને કારણે અંતિમ કિંમતમાં વધારો થઈ શકે છે. એટલે સોનું કે ચાંદી ખરીદતાં પહેલાં તમારા શહેરના સરાફા બજારના ભાવ તપાસો. માત્ર એક દિવસના ઘટાડાને જોઈને ઉતાવળમાં ખરીદી કે રોકાણ કરવાનો નિર્ણય ન લો.

આ તસવીર શેર કરો

7/7

7. DISCLAIMER

બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

આ તસવીર શેર કરો

સંકળાયેલા મુદ્દાઓ

Gold Silver Price Silver Price Crash Price Crash Today