અરેરાટી / માતાએ મોબાઇલ ન લઇ આપતા સુરતમાં 19 વર્ષના દીકરાએ કર્યો આપઘાત, 10 જ દિવસ બાદ હતો જન્મદિવસ

• સુરતમાં મોબાઈલ ન મળતા યુવકે આપઘાત કર્યો
• માતાએ એન્ડ્રોઇડ મોબાઇલ ન લઈ આપતા યુવાનનો આપઘાત
• સચિન જીઆઇડીસી વિસ્તારની ઘટના

સુરતમાં માતા-પિતા માટે આંખ ઉઘાડનારો કિસ્સો સામે આવ્યો છે. જેમાં સચિન GIDC વિસ્તારમાં રહેતા યુવકને મોબાઇલની ભારે છેલછા જાગી હતી શ્રીજી પ્રવેશ પ્રેસિડેન્સીમાં રહેતા પારસ શર્મા નામના યુવકે નવા એન્ટ્રોઈડ ફોન માંગ કરી હતી. માતા, પિતા પાસે વારંવાર નવા મોબાઇલની માંગ કરવા છતાં માતાએ હાલ પૂરતી મોબાઈલ લઈ દેવાની મનાઈ કરી દીધી હતી. જેને લઈને દીકરાને મનમા લાગી આવ્યું હતું અને આવેશમાં આવી આયખું ટૂંકાવી લેતા પરિજનોમાં અરેરાટી મચી ગઈ છે.

શ્રીજી પ્રવેશ પ્રેસિડેન્સીમાં રહેતા પારસ શર્માનો આપઘાત
મૂળ મધ્યપ્રદેશના વતની સંજીવ કુમાર શર્મા સુરતની સચીન જીઆઇડીસીમાં આવેલ શ્રીજી પ્રવેશ સોસાયટીમાં વસવાટ કરતા હતા. જે લુમ્સ ખાતામાં કામ કરી પોતાના પરિવારનું ગુજરાન ચલાવે છે. તેમના પુત્ર પારસ શર્મા (ઉ.વ.19)નો દસ દિવસ બાદ જન્મદિવસ આવી રહ્યો હતો. જેને લઈને તે પિતા પાસે નવા મોબાઈલની માંગણી કરતો હતો.

પરિવારજનોમાં કાળો કલ્પાત

જોકે લાંબી જીદ બાદ પણ પિતાએ મોબાઈલની ચોખ્ખી મનાઈ કરી દીધી હતી. જે બાબતનું માઠું લાગી આવતા જુવાનજોધ પુત્રએ ગળેફાંસો ખાઈને આપઘાતનો પ્રયાસ કરી લીધો હતો. જે અંગે હોસ્પિટલમાં ખસેડાતા તબીબે તેનું મોત નીપજ્યું હોવાનું જાહેર કર્યું હતું. આ બનાવને પગલે પરિવારજનોમાં કાળો કલ્પાત ફેલાયો છે હાલ આ ઘટનાને લઇ સમગ્ર પંથકમાં ઘેરા શોકની લાગણી જન્મી છે.