દુઃખદ / ગુજરાતમાં ઉત્તરાયણનો પહેલો ભોગ ! ખેરાલુમાં પતંગ લૂંટવા જતાં કૂવામાં પડેલા બાળકનું મોત, ભારે અરેરાટી

• મહેસાણામાં પતંગ લૂંટવા જતા કૂવામાં પડી જવાથી બાળકનુ મોત
• ખેરાલુના મોટી હિરવાણી ગામના 10 વર્ષીય બાળકનું મોત
• બાળક રાહુલ જીતુભાઈ વણઝારાનો કુવામા પડવાથી મોત

ઉત્તરાયણ પહેલા મહેસાણાથી દુ:ખદ સમાચાર સામે આવ્યા છે. ખેરાલુના મોટી હિરવાણી ગામે 10 વર્ષીય બાળક પતંગ લૂટવા જતા કૂવામાં પડી જતા કમકમાટી ભર્યું મોત થયું છે.  અત્રે જણાવીએ કે, 10 વર્ષીય રાહુલ વણઝારા નામનો બાળક પતંગ લૂંટવાની લાયમાં કુવાને જોયા વિના તે પરથી પસાર થતાં તેમાં પડી ગયો હતો. જેના કારણે તેનુ કરૂણ મોત થયું છે.

કુવામા પડવાથી મોત
મોટી હિરવાણી ગામના જીતુભાઈ વણઝારાનો દસ  વર્ષનો બાળક રાહુલ કુવામા પડવાથી મોત થયું  છે, જે મૃતદેહને પીએમ અર્થે સિવિલ હોસ્પિટલમાં ખસેડવામાં આવ્યો છે. ઉત્તરાયણના પવિત્ર તહેવાર પર દુર્ઘટના બનતા પરિવારમાં શોકનું મોઝું ફરી વળ્યું છે.

સલામતીને આપો પ્રાથમિક્તા
ઉત્તરાયણના તહેવારને શાંતિપ્રિય રીતે તેમજ પોતાને અને અન્યને નુકસાન ન પહોંચે તે રીતે મનાવવો જોઈએ. એક પતંગને લઈ પોતાનો જીવ જોખમમાં ન નાંખવો જોઈએ. અત્રે ઉલ્લેખનીય છે કે, દર વર્ષે અનેક બનાવો બનતા હોય છે, જેમાં મૃત્યું પણ થતાં હોય છે. ત્યારે આ વખતે પણ એક ઘટના સામે આવી છે. માટે તમે અને તમારો પરિવાર શાંતિથી તેમજ સલામતી સાથે ઉત્તરાયણના પર્વની ઉજવણી કરો