ગત 30 વર્ષથી કમલાથાલ સૂરજ ઉગતા પહેલા ઉઠી જાય છે. એ ઇડલી બનાવવામાં માટે લેઇ (બેટર) નીકાળે છે જે એમણે ગત રાત્રે મિક્સ કરી હતી. સાથે જ એ સાંભાર બનાવવા માટે શાક કાપે છે અને નારિયેળની ચટણી બનાવે છે. 6 વાગ્યા સુધી તે પોતાનું ઘર એ લોકો માટે ખોલી દે છે, જે ગરમા ગરમ અને મુલાયમ ઇડલી ખાવાની રાહ જોઇ રહ્યા હોય છે.
પેરૂરના નજીક વાદિવેલામ્પલાયમ ગામની આ ઇડલીની ખ્યાતિ આસપાસ પણ ફેલાઇ છે. હવે અહીં તમને પ્રશ્ન થશે કે આ ઇડલીમાં એવી તો શું ખાસિયત છે. વાત એમ છે કે કમલાથાલ દરેક ઇડલી માટે માત્ર એક રૂપિયો લે છે. હા, તમે ઠીક વાંચ્યું, એક રૂપિયો.
કમલાથાલની ઇડલીના શોખીન એક વ્યક્તિએ જણાવ્યું, એમણે ગત 30-35 વર્ષથી એવું કરી રહ્યા છે. જો તમે પાસેના એક ગામમાં જશો તો ઇડલી 6 રૂપિયા અને ઢોંસા 20 રૂપિયામાં મળે છે. અહીં ઘણા લોકો આવીને સસ્તામાં અને સારી રીતે સ્વાદિષ્ટ ઇડલી ખાય છે.
કમલાથાલે જણાવ્યું, 'પહેલા ઇડલી માટે માત્ર 50 પૈસા જ લેવામાં આવતા હતા. પરંતુ સામગ્રી મોંઘી થવાને કારણે કેટલાક વર્ષ પહેલા કિંમત વધારીને 1 રૂપિયા કરી દેવાઇ છે. દરેક વ્યક્તિ ઇડલી, સાંભાર અને ચટણીની પ્રશંસા કરે છે.'
ઘણા વર્ષોથી ઇડલીની કિંમત 1 રૂપિયો છે. કમલાથાલ ઇડલી બનાવવા હવે જૂના સિલબટ્ટા (પથ્થર)નો ઉપયોગ કરે છે. તે ઇલેક્ટ્રિક સ્ટોન ગ્રાઇન્ડરનો ઉપયોગ કરવાની મનાઇ કરે છે. તેમની રસોઇમાં સ્ટવ નહીં પરંતુ જુના જમાનાની ભટ્ટી છે. 80 વર્ષીય કમલાથાળ એક દિવસમાં 1000થી વધારે ઇડલી વેચે છે. જ્યારે એમને ઇડલીની આટલી ઓછી કિંમત રાખવા વિશે પૂછવામાં આવ્યું તો એમણે કહ્યું કે, નફો તેમની પ્રાથમિકતા નથી પરંતુ લોકોનું પેટ ભરવું છે. તેમને આ કામ માટે પ્રેરણા મળે છે.