ODI World Cup 2023 / ODI વર્લ્ડ કપ 2023 માટે 8 ટીમો ક્વોલિફાય થઈ, હવે 2 ટીમ આ રીતે બનાવશે જગ્યા

• ICC ODI વર્લ્ડ કપ ઓક્ટોબર-નવેમ્બરમાં યોજાવાનો છે
• 8 ટીમો વર્લ્ડ કપ માટે ક્વોલિફાય થઈ
• જેમાં  ન્યુઝીલેન્ડની ટીમ નંબર વન પર છે

ભારતમાં  ICC ODI વર્લ્ડ કપ ઓક્ટોબર-નવેમ્બરમાં યોજાવાનો છે અને આ માટે તમામ ટીમોએ અત્યારથી તૈયારીઓ શરૂ કરી દીધી છે. જણાવી દઈએ કે ચાર વર્ષ સુધી ચાલનારા ICC વર્લ્ડ કપ સુપર લીગ દ્વારા 8 ટીમો વર્લ્ડ કપ માટે ક્વોલિફાય થઈ છે અને આ સાથે જ 2 ટીમો ક્વોલિફાયર રમીને વર્લ્ડ કપમાં જોડાશે. એટલે કે આયર્લેન્ડ અને બાંગ્લાદેશ વચ્ચેની ODI સીરિઝ સાથે ICC વર્લ્ડ કપ સુપર લીગનો અંત આવી ગયો છે. 

8 ટીમો વર્લ્ડ કપ માટે ક્વોલિફાય થઈ
જણાવી દઈએ કે સુપર લીગને આ વર્ષના ICC મેન્સ વર્લ્ડ કપ માટે મુખ્ય ક્વોલિફાઇંગ ટુર્નામેન્ટ તરીકે ઉપયોગ કરવામાં આવ્યો હતો અને તેમાં 8 ટીમો ક્વોલિફાય થઈ હતી. જેમાં ન્યુઝીલેન્ડની ટીમ નંબર વન પર છે. જણાવી દઈએ કે વર્લ્ડ કપ સુપર લીગમાં ન્યૂઝીલેન્ડે 24માંથી 16 મેચ જીતી છે અને ઈંગ્લેન્ડ 15 જીત સાથે બીજા નંબર પર છે. બાંગ્લાદેશની ટીમ પણ 15 મેચમાં જીત સાથે ત્રીજા નંબર પર છે. 

The @cricketworldcup Super League has come to its completion.

More 👇https://t.co/ZNwXPsSsi9 pic.twitter.com/DDwDbtZw9Q

— ICC (@ICC) May 15, 2023

ભારતમાં યોજાશે વર્લ્ડકપ 
વર્લ્ડ કપ ભારતમાં યોજાવવાને કારણે ભારતીય ટીમ પહેલાથી જ ક્વોલિફાય કરી ચૂકી છે. તે વર્લ્ડ કપ સુપર લીગમાં 21 મેચમાં 13 જીત સાથે ચોથા નંબર પર છે અને સાથે જ પાકિસ્તાન 13 જીત સાથે પાંચમા અને ઓસ્ટ્રેલિયાની ટીમ 12 જીત સાથે છઠ્ઠા ક્રમે, અફઘાનિસ્તાનની ટીમ સાતમા નંબર પર અને દક્ષિણ આફ્રિકાની ટીમ આઠમા નંબર પર છે. 

જણાવી દઈએ કે વર્લ્ડ કપ સુપર લીગમાં 8મા ક્રમે રહેલી ટીમો 18 જૂનથી શરૂ થતા વર્લ્ડ કપ ક્વોલિફાયર્સમાં રમશે. જેમાં વેસ્ટ ઈન્ડિઝ, શ્રીલંકા, આયર્લેન્ડ, ઝિમ્બાબ્વે, નેધરલેન્ડ, નેપાળ, ઓમાન અને સ્કોટલેન્ડ, યુનાઈટેડ સ્ટેટ્સ ઑફ અમેરિકા અને સંયુક્ત આરબ અમીરાતની ટીમો એકબીજા સાથે ટકરાશે. આમાંથી બે ટીમ વર્લ્ડ કપ માટે ક્વોલિફાય થશે.