- રાજ્યની સરકારી હોસ્પિટલોમાં ડૉક્ટરોની અછત
- 1327 ડૉક્ટરની અછત, 546 ડૉક્ટરોએ સરકારી નોકરી છોડી
- દાહોદ જિલ્લામાં સૌથી વધુ ડૉક્ટરની ઘટ
- CHCમાં 448 અને PHCમાં 273 જગ્યા ખાલી
- સરકારે ત્રણ વર્ષમાં 2653 બોન્ડેડ તબીબ મૂક્યા
- વિધાનસભા સત્રમાં વિગતો બહાર આવી
Shortage of Doctors in Gujarat : ગુજરાતની સરકારી હોસ્પિટલોમાં ડોક્ટર્સની અછત હોવાનું સામે આવ્યું છે. વાત જાણે એમ છે કે, રાજ્યની અનેક સરકારી હોસ્પિટલોમાં 1327 ડૉક્ટરની અછત છે. વિગતો મુજબ પેરામેડિકલ સ્ટાફની 2 હજાર પોસ્ટ ભરાઈ નથી. આ તરફ ચિંતાજનક વાત તો એ છે કે, રાજ્યમાં 546 ડૉક્ટરોએ સરકારી નોકરી છોડી દીધી છે. આ તરફ વર્ગ 1 ડૉક્ટરની 637 જગ્યાઓ ખાલી તો તબીબી અધિકારી વર્ગ 2 ની 630 જગ્યા ખાલી છે.
રાજ્યમાં સૌથી વધુ ડોક્ટર્સની ઘટ એ દાહોદ જિલ્લામાં છે. આ સાથે CHCમાં સૌથી વધુ 448 અને PHCમાં 273 જગ્યા ખાલી છે. મહત્વનું છે કે, રાજ્ય સરકારે ત્રણ વર્ષમાં 2653 બોન્ડેડ તબીબ મૂક્યા હતા. નોંધનિય છે કે, આ તમામ વિગતો સપ્ટેમ્બર માસમાં યોજાયેલ વિધાનસભા સત્રમાં બહાર આવી હતી. વિગતો મુજબ સરકારી હોસ્પિટલોમાં 1327 ડૉક્ટરની અછત છે તો પેરામેડિકલ સ્ટાફની 2 હજાર પોસ્ટ ભરાઈ નથી.
સરકારે ત્રણ વર્ષમાં 2653 બોન્ડેડ તબીબ મૂક્યા હતા પણ.....
માહિતી મુજબ રાજ્ય સરકારે ત્રણ વર્ષમાં 2,653 બોન્ડેડ તબીબોને અલગ-અલગ જિલ્લામાં મૂકવામાં આવ્યા હતા. જે બાદમાં માત્ર 797 ડોક્ટર્સ જ હાજર થયા તો 1,856 ડોક્ટરોમાંથી 546 લોકોએ પોતાની 5 લાખની બોન્ડની રકમ જમા કરાવી નોકરી ન કરવાનો નિર્ણય કર્યો હતો. આ 546 ડોક્ટરોએ 5 લાખની બોન્ડની રકમ પેટે કુલ 27.30 કરોડ જમા કરાવ્યા હતા. આ તરફ હવે 1,310 ડોક્ટર્સ એવા છે કે, જેમણે નોકરી પણ નથી સ્વીકારી અને બોન્ડ પણ નથી ભર્યા.
