ગુજરાત / પ્રાણ પ્રતિષ્ઠાના દિવસે વડોદરા પથ્થરમારા વખતે આ ભયાનક ઘટના પણ બની હતી, પોલીસે ઉકેલ્યો 'ભેદ'

• રામલલા પ્રાણ પ્રતિષ્ઠાના દિવસે વડોદરાના કટ્ટરવાદીઓએ ઘોળ્યું હતું ઝેર
• બાબરીના ફોટા સાથે આપી હતી ધમકી
• સમય આવ્યે સર તન સે જુદા' કરીશું 
• પોલીસે હવે 5 વિધર્મીઓને પકડ્યાં 
• વડોદરાના ભોજ ગામ પથ્થરમારો થયો ત્યારે આપી હતી ધમકી 

પ્રાણ પ્રતિષ્ઠાના દિવસે વડોદરાના ભોજ ગામની શોભાયાત્રા પર જે સમયે પથ્થરમારો થયો હતો તે સમયે કટ્ટરવાદીઓએ બીજી પણ એક મોટી ધમકી આપી હતી જેમાં હવે પોલીસને સફળતા મળી છે. અયોધ્યામાં નવનિર્મિત રામ મંદિરમાં રામ લલ્લાના અભિષેકને લઈને સમગ્ર દેશમાં ઉત્સાહનો માહોલ છે પરંતુ કટ્ટરવાદીઓને નહોતું ગમ્યું, આ ગમ્યું નથી અને તેઓ કોઈને કોઈ રીતે ધમકી આપી રહ્યાં છે. ગુજરાતના વડોદરામાં પોલીસે પાંચ મુસ્લિમ છોકરાઓની ધરપકડ કરી છે. આરોપ છે કે આરોપીઓએ પ્રાણ પ્રતિષ્ઠા સામે ભડકાઉ પોસ્ટ દ્વારા માહોલ ખરાબ કરવાનો પ્રયાસ કર્યો હતો. પોલીસે આરોપીના મોબાઇલ ફોન પણ કબજે કર્યા છે.

માથું ધડથી અલગ કરી નાખીશું-વિધર્મીઓની ધમકી 
પાંચ મુસ્લિમ યુવાનોએ બાબરી મસ્જિદની તસવીર સાથે માથું અલગ કરવાની ધમકી આપી હતી. તેમણે ઈન્સ્ટાગ્રામ પર બાબરીની તસવીર સાથે લખ્યું, 'જ્યારે અમારો સમય આવશે ત્યારે માથું ધડથી અલગ કરી નાખીશું. આ પોસ્ટ્સ સોશિયલ મીડિયા પર વધુને વધુ વાયરલ થવા લાગી હતી અને એક તબક્કે તંગદિલી પણ ફેલાઈ ગઈ હતી. મામલો ગંભીર લાગતા પોલીસે તપાસ શરૂ કરી હતી અને સાયબર ક્રાઇમ યુનિટની મદદથી પાંચેયને શોધી કાઢ્યા હતા અને તેમની ધરપકડ કરી હતી. 

વડોદરાના ભોજમાં પણ શોભાયાત્રા પર થયો હતો પથ્થરમારો 
વડોદરાના ભોજ ગામે સોમવારે નીકળેલી શોભા યાત્રા પર પથ્થરમારો થયો હતો. આ ઘટનામાં આઠ લોકો ઘાયલ થયા છે. પોલીસે આ મામલે 13 લોકોની ધરપકડ કરી છે.

પ્રાણ પ્રતિષ્ઠા વિધર્મીઓને નથી પચી

ઉલ્લેખનીય છે કે અયોધ્યામાં સોમવારે નવા રામ મંદિરની પ્રાણ પ્રતિષ્ઠા કરાઈ હતી. રામ મંદિર જે ઠેકાણે બનાવાયું છે તે ઠેકાણે અગાઉ બાબરી મસ્જિદ હતી અને હજુ પણ કટ્ટરવાદીઓના મનમાંથી આ વાત ગઈ નથી અને તેઓ છાસવારે પોકળ ધમકીઓ આપી રહ્યાં છે.