રમત-ગમત / ગૌરવ : કેવડિયા કોલોનીમાં પ્રથમવાર નેશનલ વુમેન ફૂટબોલ ટુનામેન્ટનો શુભારંભ

• નર્મદા જિલ્લાના કેવડિયા કોલોની ખાતે પહેલવાર યોજાઈ
• પ્રથમ વખત રાષ્ટ્રીય કક્ષાની મહિલા ફૂટબોલ સ્પર્ધાની શરૂઆત
• 42મી રાષ્ટ્રીય સીનીયર ફૂટબોલ ટુનામેન્ટ આરંભ

નર્મદા જિલ્લાના કેવડિયા કોલોની ખાતે પ્રથમ વખત રાષ્ટ્રીય કક્ષાની મહિલા ફૂટબોલ સ્પર્ધાની શરૂઆત કરવામાં આવી છે. ઉદ્ઘાટન પ્રસંગે  અમદાવાદના સાંસદ કિરીટ સોલંકી હોકીના ભીષ્મ પિતામહ ગણાતા મેજર ધ્યાનચંદના પુત્ર ભારતીય હોકીના પૂર્વ હોકી પ્લેયર અશોક ઘ્યાનચંદ તેમજ ફૂટબોલ ચાહકોની ઉપસ્થિતિમાં 42મી રાષ્ટ્રીય સીનીયર ફૂટબોલ ટુનામેન્ટ  આરંભ કરવામાં આવ્યો હતો. 

હોકીના જાદુગર મેજર ધ્યાનચંદના પુત્ર મેજર અશોક ધ્યાનચંદે જણાવ્યું હતું કે તેઓના પિતા ઉપર બોલિવૂડના જાણીતા પ્રોડયુસર  રોની સ્ક્રુવાલા બાયોપિક  બનાવી રહ્યા છે ઘણા વર્ષોથી કામ ચાલી રહ્યું છે પરંતુ વચ્ચે કોરોના ના કારણે કામગીરી અટકી ગઈ હતી ફિલ્મ ની હવે તૈયારીઓ ચાલી રહી છે અને તેમની ઇચ્છા છે કે તેમના પિતા પર જે ફિલ્મો બનવાની છે જેનો તેમના પિતાનો રોલ અમીર ખાન, સલમાન ખાન અથવા તો રણવીર કપૂર કરે એવી એ તેમની ઇચ્છા પણ વ્યક્ત કરી હતી પર ફિલ્મ બની રહી છે તેની ખુશી વ્યક્ત કરી હતી.

સાથે સાથે  મેજર અશોક ધ્યાનચંદે એવું પણ જણાવ્યુંહતું કે   હોકી માટેના જે મેદાનો ખૂબ ઓછા છે જેમાં પણ વધારો કરવામાં આવે અને તેને પ્રોત્સાહિત કરવામાં આવે તો ઓળખી ક્ષેત્રે ભારત વધુ પ્રગતિ કરી શકે કારણ કે છેલ્લા ૪૦ વર્ષથી ભારતમાં એક પણ વખત હોકીમાં મેડલ જીતી શક્યું નથી.