ગુજરાત / દ્વારકામાં ACએ રાતે ઘરને બનાવી દીધું સ્મશાન, ઘરના 4 લોકોના ગૂંગળામણથી દર્દનાક મોત

ગુજરાતના દ્વારકામાં એસીએ એક જ ઘરના 4 લોકોનો ભોગ લીધો છે. દ્વારકામાં એક ઘરમાં રાતે એસી ગરમ થતાં ઘરમાં આગ ફેલાઈ હતી જેમાં ઘરના ચાર સભ્યો પવન ઉપાધ્યાય (39), તેમની પત્ની તિથિ (29), તેમની પુત્રી ધ્યાના અને માતા ભવાનીબેન (69)ના મોત થયાં હતા. આગ લાગતાં ધૂમાડો ફેલાયો હતો જેને કારણે ગૂંગળામણથી તેમના મોત થયાં હતા. 

શું બન્યું રાતે 
દ્વારકા પોલીસ ઈન્સ્પેક્ટર ટી.સી. પટેલે કહ્યું કે શહેરના આદિત્ય રોડ પર આવેલા મકાનના પહેલા માળે રવિવારે રાતે એસી ઓવરહીટ થતાં 3.30 વાગ્યાની આસપાસ આગ ફાટી નીકળી હતી આ દરમિયાન ઘરમાં પાંચ સભ્યો સુતા હતા. અંધારાને કારણે ઘરનો વીજ પુરવઠો બંધ થઈ જતાં પરિવારના સભ્યો બહાર આવી શક્યા ન હતા અને ગૂંગળામણને કારણે મોતને ભેટ્યાં હતા. ફાયર બ્રિગેડના જવાનોએ ભારે જહેમત બાદ આગ પર કાબુ મેળવ્યો હતો. આ દરમિયાન ઘરમાં ધુમાડો ભરાઈ જવાના કારણે એક વ્યક્તિ, તેની પત્ની, તેની આઠ મહિનાની પુત્રી અને તેની માતા ઘરના પહેલા માળે બેભાન અવસ્થામાં પડ્યા છે. તેમને હોસ્પિટલ લઈ જવામાં આવતાં મૃત જાહેર કરાયાં હતા. 

ગ્રાઉન્ડ ફ્લોર પર સૂતા વૃદ્ધ દાદી બચી ગયા
ઈન્સ્પેક્ટર ટી.સી. પટેલે જણાવ્યું હતું કે, ઘરના ભોંયતળિયે આવેલા ઓરડામાં સૂતેલા શખ્સની દાદીનો સલામત રીતે બચાવ થયો હતો. ગરમ થતાં એએસીમાં વિસ્ફોટ થતાં આગ લાગી હતી જેમાં એક દાદી સિવાય આખો પરિવાર ગૂંગળામણને કારણે મોતને ભેટ્યો હતો. 

ફેબ્રુઆરી 2024ની ઘટના તાજી થઈ 
દ્વારકામાં 22 ફેબ્રુઆરી 2024ના દિવસે પણ આગની એક મોટી ઘટના બની હતી. પેસિફિક એપાર્ટમેન્ટમાં આગ લાગતાં 83 વર્ષીય મહિલા અને તેની પૌત્રીએ પડતું મૂક્યું હતું જેમાં દાદીનું મોત થયું હતું જ્યારે પૌત્રી બચી ગઈ હતી.