2-DG લોન્ચ / કોરોના સામેના યુદ્ધમાં નવું 'હથિયાર' તૈયાર, આજથી દર્દીઓને આપવામાં આવશે આ દવા

• દર્દીઓની ઝડપી રિકવરીમાં મદદ કરશે 2-DG
• કોરોના સંક્રમણ ઝડપથી ફેલાઈ રહ્યું હોય તેવા દર્દીઓને આપવામાં આવશે આ દવા 

કોરોના વાયરસ સામે લડવા માટે વધુ એક હથિયાર તૈયાર થઈ ગયું છે. 2-DG દવાને આજે લોન્ચ કરી દેવામાં આવી છે. કેન્દ્રીય સ્વાસ્થ્ય મંત્રી ડો. હર્ષવર્ધને રક્ષા મંત્રી રાજનાથ સિંહની સાથે DRDOના વૈજ્ઞાનિકો દ્વારા બનાવવામાં આવેલી દવા 2-DGને લોન્ચ કરી દીધી છે. આ ખાસ અવસર પર સ્વાસ્થ્ય મંત્રીએ જણાવ્યું કે જે દર્દીઓ વઘારે ગંભીર છે તેમને આ દવા નહીં આપવામાં આવે પરંતુ અંદર કોરોના સંક્રમણ ઝડપથી વધી રહ્યું છે તેવા દર્દીઓને આ દવા આપવામાં આવશે. 

With the support of DRDO & in the leadership of Union Defence Minister Rajnath Singh, this (Anti-COVID drug 2DG) may be our first indigenous research-based outcome to fight against #COVID19. It will reduce recovery time & oxygen dependency: Union Health Minister Harsh Vardhan pic.twitter.com/BtNFdJUsQb

— ANI (@ANI) May 17, 2021

દર્દીઓની ઝડપી રિકવરીમાં મદદ કરશે આ દવા 

DRDOના વૈજ્ઞાનિકોના રિસર્ચ અને સખત મહેનત બાદ ભારતે કોરોના વિરૂદ્ધ આ દવા તૈયાર કરી લીધી છે. જેનાથી લોકોને રાહત મળવાની સંપૂર્ણ આશા છે. જણાવી દઈએ કે 2-DG દવાના 10 હજાર ડોઝ પહેલા લોન્ચ કરવામાં આવ્યા છે. DRDOના અધિકારીઓએ જણાવ્યું કે આ દવા દર્દીઓની ઝડપી રિકવરીમાં મદદ કરે છે. અને તેમની ઓક્સિજન પર નિર્ભરતાને પણ ખૂબ ઓછી કરે છે. દવા નિર્માતા ભવિષ્યમાં તેનો ઉપયોગ માટે પ્રોડક્શનને વધુ ઝડપી બનાવવાનું કામ કરશે. દવા ડોક્ટર અનંત નારાયણ ભટ્ટની સાથે વૈજ્ઞાનિક ટીમે મળીને બનાવી છે.  

Delhi: Defence Minister Rajnath Singh and Union Health Minister Dr Harsh Vardhan release first batch of Anti-COVID drug 2DG developed by DRDO pic.twitter.com/gUu6IuYlrT

— ANI (@ANI) May 17, 2021

 શું હશે કોરોનાની દવામાં? 

આ દવાએ ફેસ 2 અને ફેસ 3ના ક્લિનિકલ ટ્રાયલમાં ખૂબ સારૂ પ્રદર્શન કર્યું છે. મેથી ઓક્ટોબરની વચ્ચે થયેલા ટ્રાયલમાં દવાએ કોવિડ દર્દીઓ પર કામ કર્યું અને તે સુરક્ષિત પણ રહી. દવાના ઉપયોગથી હોસ્પિટલમાં દાખલ થયા બાદ દિવસો પણ ઓછા થશે અને ઓક્સિજન સપોર્ટની જરૂર પણ નહીં રહે. નિષ્ણાંતોનું કહેવું છે કે આ દવા એક પ્રકારે સૂડો ગ્લૂકોઝ મોલેકલ છે. જે કોરોના વાયરસને વધવાથી રોકે છે. આ દવા દુનિયાની એ અમુક દવાઓમાંથી એક છે જે ખાસ કરીને કોવિડને રોકવા માટે બનાવવામાં આવી છે. 

દવાને ઈમરજન્સી ઉપયોગ માટે મંજૂરી 

ભારતના ઔષધિ મહાનિયંત્રકે 8 મેએ ડીઆરડીઓ દ્વારા વિકસિત કોવિડ રોધક દવાને ઈમરજન્સી ઉપયોગની મંજૂરી આપી દીધી છે. મોઢા દ્વારા લેવામાં આવતી આ દવાને કોરોના વાયરસના મધ્યમથી ગંભીર દર્દીઓની સારવાર માટે ઉપયોગમાં લેવાની અનુમતી આપવામાં આવી છે.  2-DG દવા પાઉડરના રૂપમાં પેકેટમાં આવે છે જેને પાણીમાં ઓગાળીને પીવાની રહેશે.