ગુજરાત / 'પુત્રી પછી જમાઈ જમ' ! રાજકોટમાં પત્નીના આપઘાત બાદ 10 લાખ માગ્યા, પતિનો ગળેફાંસો, દિલ પીગળાવતો કિસ્સો

• રાજકોટમાં નિસંતાન કપલના આપઘાતનો દિલ પીગળાવતો કિસ્સો 
• કરીના આપઘાત બાદ સસરાએ જમાઈ પાસેથી માગ્યા 10 લાખ 
• પૈસા ન હોવાથી અને પત્નીના વિયોગે જમાઈએ કર્યો આપઘાત 
• બાળક નહોતું થતું એટલે પરિણિતાએ કર્યો હતો આપઘાત 

રાજકોટમાં દીકરીના ગયા પછી જમાઈ જમ જેવો ઘાટ જોવા મળ્યો છે. સાસરીયામાં જમાઈનું કેટલું માન હોય છે તેની બધાને ખબર છે પરંતુ રાજકોટમાં જરા ઉલટું બન્યું. છેલ્લા કેટલાક સમયથી રાજકોટમાં ક્રાઈમની મોટી મોટી ઘટનાઓ બની રહી છે જેમાં એકનો વધારો થયો છે. નિસંતાન કપલના આપઘાતનો દિલ પીગળાવતો કિસ્સો બનતાં લોકો હચમચી ઉઠ્યાં હતા. અઠવાડિયા પહેલા કાજલ નામની પરિણિતાનો આપઘાત અને ત્યાર બાદ તેના પતિ પાસેથી સાસરીયા દ્વારા 10 લાખ માગવામાં આવતાં આખરે પતિએ પણ ગળેફાંસો ખાઈ લીધો. 

'મને મારી કાજલ વગર ગમતું નથી, પત્ની અને મારા અસ્થિ સાથે...' રાજકોટના યુવાનનો આપઘાત પહેલા વીડિયો #Rajkotnews #AnilDabhi #RajkotSuicideCase pic.twitter.com/snrvRku3f0

— DINESH CHAUDHARY (@dinesh9904748) January 23, 2024

10 લાખ અને પત્ની વિયોગમાં યુવાનનો આપઘાત 
રાજકોટના યુવરાજનગરમાં રહેતા યુવાન અનિલ ડાભીએ આજે ગળેફાંસો ખાઈને આપઘાત કરી લીધો હતો. આપઘાત પહેલા અનિલે એક વીડિયો પણ બનાવ્યો હતો અને આપઘાતનું કારણ પણ આપ્યું હતું. 

કોણે માગ્યા હતા 10 લાખ
હકીકતમાં દીકરીના આપઘાત બાદ સસરાએ મૃતક જમાઈ પાસેથી 10 લાખ માગ્યા હતા પરંતુ યુવાન પાસે આટલા બધા પૈસા નહોતા તે ઉપરાંત સાસરીયા તેને ખૂબ હેરાન પરેશાન કરતાં હતા. આથી કંટાળીને અને પત્નીના વિયોગે અનિલે મોતને વ્હાલું કરી લીધું હતું. 

આપઘાત કરનાર કપલને બાળકો નહોતો થતા
આ ઘટનામાં હૈયુ કંપી જાય તેવી બીજી વાત એ છે કે આપઘાત કરનાર કપલને બાળકો નહોતા થતાં અને એક અઠવાડિયા પહેલાં કાજલે પણ આ જ કારણે આપઘાત કરી લીધો હતો. કાજલના મોત બાદ સાસરીયાઓએ અનિલની હેરાનગતિ શરુ કરી હતી અને 10 લાખ માગવા લાગ્યાં હતા પરંતુ અનિલ પાસે આટલા બધા પૈસા નહોતા. 

વીડિયોમાં શું બોલ્યો અનિલ 
વીડિયોમાં અનિલે એવું કહેતો જોવા મળે છે કે 'મને મારી કાજલ (આપઘાત કરનાર પત્ની) વગર ગમતું નથી, પત્ની અને મારા અસ્થિ સાથે પધરાવજો, મારી પાસે મારા સસરા 10 લાખ માંગે છે હું એકલો થઈ ગયો છું ક્યાંથી લાવું'.