રોગચાળો / પાટણમાં ડેન્ગ્યુથી પ્રથમ મોત, ગામ લોકોએ યુવાનની લાશ ખાટલા પર મુકી બનાવ્યો વીડિયો, આરોગ્ય વિભાગ નિદ્રામાં

• પાટણ જિલ્લામાં ડેન્ગ્યુથી પ્રથમ મોતનો કિસ્સો સામે આવ્યો 
• રાધનપુરના કરસનગઢ ગામના યુવાનનું ડેન્ગ્યુના કારણે મોત
• ગામડાઓમાં ડેન્ગ્યુના કેસ હોવા છતા આરોગ્ય વિભાગ નિદ્રામાં

Patan Dengue death : વરસાદની મોસમ વચ્ચે રાજ્યના વિવિધ વિસ્તારોમાં પાણીજન્ય અને મચ્છરજન્ય રોગ ચાળો તીવ્રગતિએ વધ્યો હોય તેવુ જણાઈ રહ્યું છે. પાટણ જિલ્લામાં ડેન્ગ્યુથી પ્રથમ મોતનો કિસ્સો સામે આવ્યો છે. રાધનપુરના કરસનગઢ ગામના યુવાનનું ડેન્ગ્યુના કારણે મોત નીપજ્યું છે.

આરોગ્ય વિભાગ ઘોર નિદ્રામાં ?
જુમાભાઈ મધરા નામના યુવાનનું ડેન્ગ્યુના કારણે અવસાન થતાં પંથકમાં શોકનો માહોલ છવાયો છે તેમજ પરિવાર પર આફતના વાદળો ઘેરાયા છે. ગામના આગેવાનો યુવાનની લાશ ખાટલા પર મુકી પોતાની આપવીતી રજૂ કરતો વીડિયો બનાવ્યો છે. તો બીજી તરફ રાધનપુરના ગામોમાં ડેન્ગ્યુના કેસ હોવા છતા આરોગ્ય વિભાગ ઘોર નિદ્રામાં હોય તેવું પણ જણાઈ આવ્યું છે. 

ગામલોકોએ આપવીતી રજૂ કરી
ગામલોકોએ આપવીતી રજૂ કરતા કહ્યું કે, અમારા ગામમાં આ ભાઈને ડેગ્યુંના લક્ષણો જણાતા અમે દવાખાને લઈ ગયા હતાં. પરંતુ ત્યાં માંડ એકાદ બોટલ ચડી અને આ ભાઈનું મૃત્યુ થઈ ગયું છે. અમારા અને આજુબાજુના ગામમાં ડેગ્યુના મચ્છરો ઘણા છે જેને લઈ અમે રજૂઆતો પણ કરી છે તેમજ આ વીડિયો મારફતે વિનંતી કરી છીએ તે દિશામાં સરકાર કામ કરે. અમારા આ વિસ્તારમાં ડેગ્યું રોગ આવ્યો છે. જેને લઈ આરોગ્ય ચકાસણી કરવામાં આવે તેવી પણ ગ્રામલોકોએ માંગ કરી હતી.