તમારા કામનું / રોજ રૂ.10થી પણ ઓછા રોકાણ પર મળશે 17 લાખ રૂપિયા, જાણો LICની આ સ્કીમ વિશે બધુ જ

• દરરોજ જમા કરો 8 રૂપિયા 
• મળશે 17 લાખ રૂપિયા 
• જાણો LICની આ પોલિસી વિશે બધુ જ 

દેશની સૌથી મોટી વીમા કંપની LIC પર દેશના કરોડો લોકો ભરોસો કરે છે. આ આત્મવિશ્વાસનું કારણ એલઆઈસીની પોલિસીમાં સુરક્ષિત રોકાણ અને પાકતી મુદત પર ઊંચું વળતર છે. જો તમે અત્યાર સુધી એલઆઈસીની કોઈ સ્કીમમાં રોકાણ નથી કર્યું, તો અમે તમને એક એવી સ્કીમ વિશે જણાવવા જઈ રહ્યા છીએ, જેમાં રોકાણ કરીને તમે સરળતાથી કરોડપતિ બની શકો છો.

LIC જીવન લાભ પોલિસી તમારા માટે શ્રેષ્ઠ વિકલ્પ સાબિત થઈ શકે છે. LIC ની જીવન લાભ પોલિસી નોન-લિંક્ડ પ્લાન છે. એટલે કે તે શેરબજાર પર નિર્ભર નથી. જેથી આ યોજનાને સલામત પણ માનવામાં આવે છે. આ પોલિસીમાં દર મહિને 233 રૂપિયા એટલે કે 8 રૂપિયા પ્રતિ દિવસથી ઓછા રોકાણ કરીને, તમે મેચ્યોરિટી પર 17 લાખ રૂપિયા મેળવી શકો છો.

આ છે યોજના
LIC દ્વારા આપવામાં આવેલી માહિતી અનુસાર આ સ્કીમમાં રોકાણની લઘુત્તમ વય માત્ર આઠ વર્ષ રાખવામાં આવી છે. એટલે કે આ પોલિસી સગીર માટે પણ લઈ શકાય છે. તેમજ રોકાણ માટેની મહત્તમ ઉંમર 59 વર્ષ છે. આ પોલિસી 16 થી 25 વર્ષની પોલિસી ટર્મ માટે લઈ શકાય છે.

તમે આ ઉંમર સુધી લાભ લઈ શકો છો
LIC અનુસાર જો કોઈ વ્યક્તિ 21 વર્ષ માટે પોલિસી ટર્મ સ્કીમ પસંદ કરે છે. તો તેના માટે પોલિસી લેતી વખતે તેની ઉંમર 54 વર્ષથી ઓછી હોવી જોઈએ. ત્યાં જ 25 વર્ષની પોલિસી ટર્મ માટે વ્યક્તિની વય મર્યાદા 50 વર્ષ છે. પોલિસીની પરિપક્વતા માટે મહત્તમ વય મર્યાદા 75 વર્ષ રાખવામાં આવી છે.

જો પોલિસીની મુદત દરમિયાન પોલિસીધારકનું કમનસીબે મૃત્યુ થાય છે, તો નોમિનીને લાભ મળે છે. બોનસની સાથે નોમિનીને વીમાની રકમનો લાભ પણ મળે છે. આ યોજનાના અન્ય લાભોમાં કર મુક્તિનો સમાવેશ થાય છે.

LIC જીવન પોલિસી માટે જરૂરી દસ્તાવેજો

• તમારૂ એડ્રેસ પ્રૂફ 
• KYC સંબંધિત દસ્તાવેજો. ઉદાહરણ તરીકે, PAN, આધાર, આવકવેરા રિટર્ન સંબંધિત માહિતી જરૂરી છે.
• ઉંમરનો પુરાવો આપવો પડશે
• યોગ્ય રીતે ભરેલ અરજી ફોર્મ જરૂરી રહેશે
• જરૂર પડ્યે મેડિકલ તપાસ પણ કરવામાં આવશે
• મેડિકલ હિસ્ટ્રી પણ પૂછવામાં આવશે