ધર્મ / આ વખતે રક્ષાબંધન પર બનવા જઈ રહ્યો છે મહાસંયોગ, 474 વર્ષ બાદ આવ્યો છે આ દિવસ

• આ વખતની રક્ષાબંધન છે ખાસ 
• 474 વર્ષ બાદ મહાસંયોગ 
• જાણો તેના વિશે વિગતે 

કાલે રક્ષાબંધનનો તહેવાર છે. કાલે દરેક બહેન પોતાના ભાઈને રાખડી બાંધશે. આ વખતે રક્ષાબંધન પર 474 વર્ષ બાદ એક ખાસ મહાસંયોગ પણ બનવા જઈ રહ્યો છે.  

જાણો શું છે ધનિષ્ઠા નક્ષત્ર? 
સામાન્ય રીતે રક્ષાબંધનનો તહેવારે શ્રાવણ નક્ષત્રમાં જ આવે છે. જોકે આ વખતે આ શ્રાવણ પૂર્ણિમા પર ધનિષ્ઠા નક્ષત્રની સાથે ઉજવવામાં આવશે. જ્યોતિષિયો અનુસાર આ વખતે રક્ષાબંધન ન પર ભદ્રાનો પડછાયો પણ નહીં રહે, માટે બહેન દિવસમાં ગમે ત્યારે રાખડી બાંધી શકશે. આ સમયે કુંભ રાશીમાં ગુરુની ચાલ વક્રી રહેશે અને તેની સાથે ચંદ્રમા પણ ત્યાં હાજર રહેશે. 

આ હશે રક્ષાબંધનમાં શુભ મૂહુર્ત 
આ વખતે રક્ષાબંધન પર સવારે 5.50થી લઈને સાંજે 6.03 સુધી શુભ મુહૂર્ત છે એટલે તમે આ સમયે કોઈ પણ સમયે રાખડી બાંધી અથવા બંધાવી શકો છો. જ્યારે ભદ્ર કાળ 23 ઓગસ્ટની સવારે 5 વાગીને 34 મિનિટથી 6 વાગીને 12 મિનિટ સુધી રહેશે. આ દિવસે શુભ યોગ સવારે 10 વાગીને 34 મિનિટ સુધી રહેશે અને ધનિષ્ઠા નક્ષત્ર સાંજે 7 વાગીને 40 મિનિટ સુધી રહેશે. એવું કહેવામાં આવે છે કે ઘનિષ્ઠા નક્ષત્રમાં પેદા થનાર લોકોના પણ ભાઈ-બહેન સાથે સંબંધ ખાસ હોય છે. 

474 વર્ષ બાદ બન્યો આ સંયોગ 
જ્યોતિષ શાસ્ત્ર અનુસાર આ વખતે રક્ષા બંધન પર સિંહ રાશિમાં સૂર્ય, મંગળ અને બુધ ગ્રહ એક સાથે બિરાજમાન થશે. સિંહ રાશિનો સ્વામી સૂર્ય છે. આ રાશિમાં મિત્ર મંગળ પણ તેની સાથે રહેશે. જ્યારે શુક્ર કન્યા રાશિમાં હશે. ગ્રહોનો આવો યોગ ખૂબ જ શુભ અને ફળ આપનારૂ રહેશે. જ્યોતિષો અનુસાર રક્ષા બંધન પર ગ્રહોનો એક દુર્લભ સંયોગ 474 વર્ષ બાદ બનવા જઈ રહ્યો છે. આ પહેલા 11 ઓગસ્ટ 1547એ ગ્રહોની એવી સ્થિતિ બની હતી.