Women's Cricket World Cup / વર્લ્ડ કપ માટે ભારતીય મહિલા ક્રિકેટ ટીમની જાહેરાત, સિનિયર ખેલાડીઓ પડતી મુકાઇ, મિતાલી રાજ કેપ્ટન

• ICC મહિલા વર્લ્ડ કપ 2022 માટે ટીમ જાહેર 
• પ્રથમ મેચ પાકિસ્તાન સામે 
• ફાસ્ટ બોલર રેણુકા સિંહને મળ્યું સ્થાન 

ભારતીય ક્રિકેટ કંટ્રોલ બોર્ડ (BCCI) એ ICC મહિલા વર્લ્ડ કપ 2022 માટે ટીમની જાહેરાત કરી છે. હવે મહિલા ક્રિકેટ પણ ભારતમાં લોકપ્રિય થઈ રહ્યું છે. 

ભારતીય ટીમ વર્લ્ડ કપમાં પોતાની પ્રથમ મેચ 6 માર્ચે પાકિસ્તાન સામે રમશે. આ મેચ તઉરંગાના બે ઓવલમાં રમાશે. 

અને આ અગાઉ વર્લ્ડ કપ પહેલા ટીમ ઈન્ડિયા 11 ફેબ્રુઆરીથી ન્યૂઝીલેન્ડ સામે પાંચ મેચની વનડે સિરીઝ રમશે.

ફાસ્ટ બોલર રેણુકા સિંહે બનાવી જગ્યા 
ડાબોડી સ્પિનર એકતા બિષ્ટ, શિખા પાંડે અને અનુભવી જેમિમા રોડ્રિગ્ઝને વર્લ્ડ કપની ટીમમાં સ્થાન આપવામાં આવ્યું નથી. એકતાને વર્લ્ડ કપની ટીમમાં સ્ટેન્ડબાય પ્લેયર તરીકે રાખવામાં આવી છે. ફાસ્ટ બોલર રેણુકા સિંહ ઠાકુરને પ્રથમ વખત ટીમમાં જગ્યા મળી છે. રેણુકાએ વનડેમાં હજુ ડેબ્યૂ પણ કર્યું નથી. 

વિમેન્સ વર્લ્ડ કપ અને ન્યૂઝીલેન્ડ સામેની ODI સિરીઝ માટેની ભારતીય ટીમઃ મિતાલી રાજ (કેપ્ટન), હરમનપ્રીત કૌર (વાઈસ-કેપ્ટન), સ્મૃતિ મંધાના, શેફાલી વર્મા, યાસ્તિકા ભાટિયા, દીપ્તિ શર્મા, રિચા ઘોષ (WK), સ્નેહ રાણા, ઝુલન ગોસ્વામી , પૂજા વસ્ત્રાકર, મેઘના સિંહ, રેણુકા ઠાકુર, તાનિયા ભાટિયા (wk), રાજેશ્વરી ગાયકવાડ, પૂનમ યાદવ.

🚨 NEWS 🚨: India Women’s squad for ICC Women’s World Cup 2022 and New Zealand series announced. #TeamIndia #CWC22 #NZvIND

More Details 🔽https://t.co/qdI6A8NBSH pic.twitter.com/rOZ8X7yRbV

— BCCI Women (@BCCIWomen) January 6, 2022

વર્લ્ડ કપ માટે સ્ટેન્ડબાય ખેલાડીઓ: એકતા બિષ્ટ, એસ મેઘના, સિમરન દિલ બહાદુર.

ન્યુઝીલેન્ડ સામેની વનડે સીરીઝની સાથે ભારતીય ટીમ 9 ફેબ્રુઆરીએ ટી20 મેચ રમશે. તેમાં હરમનપ્રીત કૌર ટીમની કમાન સંભાળશે. બોર્ડે તેના માટે ટીમની પણ જાહેરાત કરી છે. સ્મૃતિ મંધાના T20માં ટીમ ઈન્ડિયાની વાઈસ કેપ્ટન હશે.

ન્યુઝીલેન્ડ સામેની વન-ઑફ T20I માટે ભારતીય ટીમ: હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), શેફાલી વર્મા, યાસ્તિકા ભાટિયા, દીપ્તિ શર્મા, રિચા ઘોષ (WK), સ્નેહ રાણા, પૂજા વસ્ત્રાકર, મેઘના સિંહ, રેણુકા ઠાકુર, તાનિયા ભાટિયા (wk), રાજેશ્વરી ગાયકવાડ, પૂનમ યાદવ, એકતા બિષ્ટ, એસ મેઘના, સિમરન દિલ બહાદુર.