લગ્નસંબંધનો એક દિલચસ્પ કિસ્સો
મહિલાએ સે્કસના અધિકાર મેળવવા દાખલ કરી ફરિયાદ
પતિ સામે મહિલાએ સાબરમતી પો.સ્ટેશનમાં ફરિયાદ કરી
લગ્ન બાદ પતિ-પત્ની વચ્ચે ઝઘડાના સમાચારો આવે છે. ઘણા મામલા પોલીસ સ્ટેશનથી કોર્ટમાં જાય છે, પતિ-પત્ની વચ્ચેના કેટલાક કિસ્સાઓ એવા હોય છે જે બંને સુધી સીમિત રહે છે. આમાં, પરસ્પર ગોપનીયતા રહે છે. પતિ-પત્ની વચ્ચેના જાતીય સંબંધો હોવા એ નેચરલ છે. પરંતુ એક એવો દિલચસ્પ કિસ્સો સામે આવ્યો છે જે સાંભળીને એમ થાય કે આ તો કેવું ?
અમદાવાદની ઘટના
અમદાવાદમાં આવો ચોંકાવનારો કેસ સામે આવ્યો છે જેમાં પત્નીએ સેક્સનો અધિકાર મેળવવા પોલીસ સ્ટેશનના પગથિયા ચઢ્યા છે. મહિલાના પતિએ તેની સાથે સેક્સ કરવાનો ઇન્કાર કરી દીધો હતો. મહિલા એટલી પરેશાન થઇ ગઇ કે તેણે પોલીસ સ્ટેશનમાં ફરિયાદ દાખલ કરી દીધી. 33 વર્ષીય મહિલાએ સાબરમતી પોલીસ સ્ટેશનમાં ફરિયાદ કરીને ન્યાયની માગ કરી છે.
શું છે મહિલાનો આરોપ
મહિલાએ આરોપ લગાવ્યો છે કે લગ્નના એક વર્ષ પછી પણ તે તેના પતિ સાથે શારીરિક સંબંધ જાળવી શકી નથી . જ્યારે તે પતિને સંબંધ બાંધવા માટે કહે છે તો પતિ દ્વારા તેને હેરાન કરવામાં આવે છે. આથી થાકીને મહિલાએ પોલીસ સ્ટેશનમાં ફરિયાદ કરવી પડી.
લગ્ન પછી સેક્સ નહીં
મહિલાએ સાબરમતી પોલીસ સ્ટેશનમાં કરેલી ફરિયાદમાં જણાવ્યું છે કે મેં ગયા વર્ષે ફેબ્રુઆરીમાં વડોદરાના એક વ્યક્તિ સાથે લગ્ન કર્યા હતા. હું તેને મેરિટલ
વેબસાઈટ દ્વારા મળી હતી. ટૂંક સમયમાં જ મારા સાસરિયાઓએ મને એક વર્ષમાં પુત્રની માગણી કરવા લાગ્યા. પરંતુ આજ સુધી મેં મારા પતિ સાથે શારીરિક સંબંધ બાંધ્યો નથી. મારા પતિ રાત્રે વિચિત્ર કપડાં પહેરે છે. જ્યારે હું તેને સેક્સ માટે પૂછું છું ત્યારે તે કહે છે કે હું પુરુષ જેવો દેખાઉં છું? તે મારી સાથે સંબંધ રાખી શકે નહીં. જ્યારે પણ હું આ મુદ્દે તેની સાથે વાત કરું છું, ત્યારે તે મને ગળાફાંસો આપે છે અને ત્રાસ આપે છે.
25 લાખની માંગણી કરી
મહિલાએ પોલીસને જણાવ્યું કે તેનો પતિ તેની પાસેથી IVF દ્વારા બાળક ઈચ્છે છે. મહિલાએ ફરિયાદમાં જણાવ્યું હતું કે, 'મારા પતિ ઘણીવાર મારી સાથે IVF દ્વારા બાળક થવાની વાત કરે છે. જ્યારે મેં ના પાડી તો તેણે મને ખરાબ રીતે ધક્કો માર્યો અને માર્ચ 2021માં મને છોડી દીધી. હું મારા માતા-પિતા સાથે સાબરમતીમાં રહું છું. હવે તેઓ મને પરત લાવવા માટે 25 લાખ રૂપિયાના દહેજની માંગ કરી રહ્યા છે.
