મહામંથન / વાવાઝોડું ગુજરાતને ટકરાશે કે નહી? બિપોરજોય સામે વહીવટીતંત્ર કેટલું અલર્ટ, કેવી વર્તાશે અસર?

ગુજરાતમાં બિપોરજોય વાવાઝોડું કેવી અસર કરશે, વાવાઝોડું ગુજરાતને ટકરાશે કે નહીં, આવા અનેક સવાલ થોડા સમયથી લોકોના અને વહીવટીતંત્રના મનમાં હોય. સ્વભાવિક છે કે સંભાવનાઓને પગલે વહીવટીતંત્ર પોતાની તૈયારી કરી જ લેતું હોય. હવામાન વિભાગની સરકારી અને ખાનગી સંસ્થાઓ સતત અપડેટ આપી રહી છે ત્યારે તાજેતરમાં એવુ અપડેટ સામે આવ્યું કે વાવાઝોડાએ ફરી દિશા બદલી છે અને બની શકે કે તે ગુજરાતને અસર કરે. વાવાઝોડાના અલર્ટ સામે તંત્ર કેટલું અલર્ટ.

• વાવાઝોડું 12 જૂનથી કરાંચી તરફ ફંટાઈ શકે
• વાવાઝોડું સીધું ગુજરાતની જમીન સાથે નહી ટકરાય
• વાવાઝોડાને કારણે દરિયાકિનારે ભારે પવન ફૂંકાશે
• દરિયા કિનારે 70 થી 90 કિમીની ઝડપે ફૂંકાશે પવન

સૌરાષ્ટ્ર-કચ્છનાં દરિયાકિનારે કરી શકે અસર
બિપોરજોય વાવાઝોડાને લઈને તંત્ર એલર્ટ છે. ત્યારે વાવાઝોડું 12 જૂન બાદ કરાંચી તરફ ફંટાઈ શકે છે. ત્યારે સૌરાષ્ટ્ર-કચ્છનાં  દરિયાકિનારે અસર કરી શકે છે. વાવાઝોડું સીધુ ગુજરાતની જમીન  સાથે નહી ટકરાય. વાવાઝોડાને કારણે દરિયાકિનારે ભારે પવન ફુંકાશે. દરિયા કિનારે 70 થી 90 કિમીની ઝડપે પવન ફૂંકાશે. દરિયા કિનારે 70 થી 90 કિમીની ઝડપે પવન ફુંકાશે. બિપોરજોય વાવાઝોડાની અસર કચ્છનાં માંડવીથી કોટેશ્વર સુધી થઈ શકે છે. વાવાઝોડું પસાર થશે ત્યારે ભારે પવન ફૂંકાશે. તેમજ સૌરાષ્ટ્ર, કચ્છમાં ભારે વરસાદ પણ પડી શકે છે.

• સમગ્ર ગુજરાતમાં વરસી શકે વરસાદ
• દ. ગુજરાતમાં 10 જૂનથી પડી શકે વરસાદ
• સૌરાષ્ટ્ર-કચ્છમાં વરસાદની આગાહી  

આગામી  5 દિવસ વરસાદની આગાહી
સમગ્ર ગુજરાતમાં વરસાદ પડી શકે છે. દ. ગુજરાતમાં 10 જૂનથી વરસાદ પડી શકે છે. સૌરાષ્ટ્ર-કચ્છમાં પણ વરસાદની આગાહી કરવામાં આવી છે. વાવાઝોડાને કારણે પવનની દિશા બદલાઈ છે. અમદાવાદમાં પણ છુટો છવાયો વરસાદ પડી શકે છે.