lifestyle / શું આખી રાત પંખો ચલાવવો સ્વાસ્થ્ય માટે છે નુકસાનકારક? જુઓ શું કહે છે એક્સપર્ટ્સ

• ગરમીમાં પંખાથી રાહત મળે છે
• ભારતમાં લગભગ તમામ ઘરમાં પંખાનો ઉપયોગ કરવામાં આવે છે
• જાણો આખી રાત પંખો ચાલુ રાખીને સૂવાથી શું પરેશાની થઈ શકે છે

ભારતમાં ભીષણ ગરમી પડવાને કારણે લોકો પરેશાન છે. આજના સમયમાં મોટાભાગના લોકોના ઘરે ACની જગ્યાએ પંખાનો ઉપયોગ કરવામાં આવે છે. ગરમીમાં પંખાથી રાહત મળે છે. વિદેશમાં પંખાનો કોન્સેપ્ટ ઓછો થઈ રહ્યો છે. ભારતમાં લગભગ તમામ ઘરમાં પંખાનો ઉપયોગ કરવામાં આવે છે. ગરમી વધુ હોવાને કારણે અનેક લોકો આખી રાત પંખો ચાલુ રાખીને સૂતા હોય છે. આખી રાત પંખો ચાલુ રાખીને સૂવાથી શું પરેશાની થઈ શકે છે, તે અંગે અહીંયા જાણકારી આપવામાં આવી છે. 

આખી રાત પંખો ચાલુ રાખવાથી આરોગ્ય પર અસર
નિષ્ણાંતો અનુસાર ગરમીના દિવસોમાં રૂમમાં પડદા જરૂરથી લગાવવા જોઈએ. આ પ્રકારે કરવાથી રૂમનું તાપમાન ઓછું થશે અને પંખાથી થતા દુખાવાથી રાહત મળશે. આખી રાત પંખો ચલાવીને સૂવાથી આરોગ્ય પર ગંભીર અસર થાય છે તથા અનેક બિમારીઓના ભરડામાં આવી શકો છો. 

આખી રાત પંખો ચલાવવો ખૂબ જ ખતરનાક
આખી રાત પંખો ચલાવીને સૂવાથી બીજા દિવસે શરીરમાં દુખાવો થઈ શકે છે. આ કારણોસર પંખા નીચે ના સૂવું જોઈએ. ઠંડા પવનને કારણે માંસપેશીઓ ખેંચાય છેસ જેના કારણે વધુ દુખાવો થઈ શકે છે. તમને તમારી ગરદનમાં પણ દુખાવો થઈ શકે છે. અસ્થમાના દર્દીઓએ આ પ્રકારે બિલકુલ ના કરવું જોઈએ. જેના કારણે વધુ છીંક આવવાની સમસ્યા તથા આંખોમાંથી પાણી નીકળવાની સમસ્યા થઈ શકે છે. 

આ પ્રકારની વસ્તુઓ બિલ્કુલ પણ ના કરવી
બદલાતા વાતાવરણની સાથે આરોગ્યનું ખાસ ધ્યાન રાખવું જોઈએ અને દહીંને સેવન ના કરવું જોઈએ. આયુર્વેદ અનુસાર દહીં ઠંડુ હોય છે, જેના કારણે કફની સમસ્યા થઈ શકે છે. રાત્રે દહીંનું સેવન ના કરવું જોઈએ. રાત્રીના સમયે ચોખાનું સેવન ના કરવું જોઈએ, જેના કારણે કફ, ગળામાં બળતરા અને સોજાની સમસ્યા થઈ શકે છે. 

ગરમીમાં પંખાની જગ્યાએ શેનો ઉપયોગ કરવો?

• રાત્રે સૂતા સમયે કોટનની ચાદરનો ઉપયોગ કરો અને કોટનના કપડા પહેરો. 
• રૂમ ઠંડો રહે તે માટેના પ્લાન્ટ રૂમમાં મુકી શકો છે, જેમાં એરેકા પામ ટ્રી તથા એલોવેરા શામેલ છે. 
• બપોરના સમયે રૂમનો દરવાજો ખુલ્લો રાખો, જેથી હવાનું ક્રોસ વેંટિલેશન થાય.
• રૂમમાં કોટનના પડદા લગાવો અને ગરમી અંદરની તરફ ના આવે તે માટે બહારની તરફ કાળા પડદાનો ઉપયોગ કરો. 
• કૂલિંગ મેટ્રેસ ખરીદો અને બોડીને હાઈડ્રેટ રાખો, જેથી ગરમી ઓછી લાગશે. 

પંખાની હવામાં સૂવાના અનેક નુકસાન છે. વધુ સમય સુધી પંખાની હવામાં સૂવાથી શ્વાસમાં તકલીફ, શર્દી કફની સમસ્યા તઈ શકે છે. પરસેવો ના થાય તે માટે અને શરીર ઠંડુ રહે તે માટે પંખાની હવા ખૂબ જ સારી છે, પરંતુ વધુ સમય સુધી પંખો ના ચલાવવો જોઈએ. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.