સેંગોલ વિવાદ / 'ભારતીય પરંપરાઓથી કોંગ્રેસને કેમ આટલી નફરત છે?' નવા સંસદ ભવનમાં સેંગોલ રાખવા પર કોંગ્રેસે પ્રશ્ન ઉઠાવ્યો તો અમિત શાહે આપ્યો જવાબ

• નવા સંસદ ભવનમાં રાખવામાં આવનાર સેંગોલને લઈને ચર્ચા શરૂ
• સેંગોલ વિશે ભ્રામક માહિતી ફેલાવવામાં આવી રહી છે
• અમિત શાહે ખુદ જયરામ રમેશને ટ્વીટ કરીને આ વિશે જવાબ આપ્યો

નવા સંસદ ભવનના ઉદ્ઘાટન સમારોહને લઈને છેલ્લા ઘણા દિવસોથી હંગામો ચાલી રહ્યો છે. તો વાત એમ છે કે ઉદ્ઘાટન પહેલા તમામ વિપક્ષી દળોએ રાષ્ટ્રપતિ પાસે તેનું ઉદ્ઘાટન કરવાની માંગ કરી છે અને એ સાથે જ બૉયકોટનું પણ એલન કર્યું હતું. એવામાં હવે આ વિવાદ વચ્ચે હવે વધુ એક વિવાદ શરૂ થયો છે. આ વખતે નવા સંસદ ભવનમાં રાખવામાં આવનાર સેંગોલ એટલે કે રાજદંડને લઈને ચર્ચા શરૂ થઈ છે. 

જણાવી દઈએ કે ગૃહમંત્રી અમિત શાહે દેશને કહ્યું હતું કે 1947માં જવાહરલાલ નેહરુને સ્વતંત્રતાના પ્રતીક તરીકે સોંપવામાં આવેલ સેંગોલને નવી સંસદમાં રાખવામાં આવશે અને આ અંગે ઘણો પ્રચાર પણ કરવામાં આવ્યો હતો પણ હવે કોંગ્રેસના નેતા જયરામ રમેશે સેંગોલ પર સવાલો ઉઠાવતા કહ્યું કે સેંગોલ વિશે ભ્રામક માહિતી ફેલાવવામાં આવી રહી છે. હવે અમિત શાહે ખુદ જયરામ રમેશને ટ્વીટ કરીને આ વિશે જવાબ આપ્યો છે.

"Why does the Congress party hate Indian traditions and culture so much? A sacred 'Sengol' was given to Pandit Nehru by a holy Saivite Mutt from Tamil Nadu to symbolize India’s freedom but it was banished to a museum as a ‘walking stick’...Congress is calling Adheenam’s history… pic.twitter.com/6RF87fb02E

— ANI (@ANI) May 26, 2023

ઈતિહાસને ખોટો કહી રહી છે કોંગ્રેસ - શાહ
સેંગોલને નવી સંસદમાં રાખવાની વાત સમયે સેંગોલને પર પ્રશ્ન ઉઠાવનાર જયરામ રમેશને ગૃહમંત્રી અમિત શાહ તરફથી બે ટ્વિટ કરીને જવાબ આપવામાં આવ્યો છે. જણાવી દઈએ કે જવાબ આપતા એમને કહ્યું કે કોંગ્રેસ ઈતિહાસ ખોટો કરી રહી છે.' એમને લખ્યું કે, 'હવે કોંગ્રેસે વધુ એક શરમજનક અપમાન કર્યું છે. પવિત્ર શૈવ મઠ તિરુવદુથુરાઈ અધીનમને પોતે ભારતની આઝાદી સમયે સેંગોલના મહત્વ વિશે જણાવ્યું હતું. કોંગ્રેસ અધીનમના ઇતિહાસને ખોટો કહી રહી છે.કોંગ્રેસે તેના વર્તન પર વિચાર કરવાની જરૂર છે.'

અમિત શાહે પોતાના બીજા ટ્વીટમાં લખ્યું કે "કોંગ્રેસ પાર્ટી ભારતીય પરંપરાઓ અને સંસ્કૃતિને આટલી બધી નફરત કેમ કરે છે? તમિલનાડુના એક પવિત્ર શૈવ મઠ દ્વારા પંડિત નેહરુને ભારતની આઝાદીના પ્રતીક તરીકે એક પવિત્ર સેંગોલ આપવામાં આવ્યો હતો પણ તેને મ્યુઝિયમમાં મોકલવામાં આવી હતી."

Is it any surprise that the new Parliament is being consecrated with typically false narratives from the WhatsApp University? The BJP/RSS Distorians stand exposed yet again with Maximum Claims, Minimum Evidence.

1. A majestic sceptre conceived of by a religious establishment in… pic.twitter.com/UXoqUB5OkC

— Jairam Ramesh (@Jairam_Ramesh) May 26, 2023

જયરામ રમેશે શું દાવો કર્યો?
નવા સંસદમાં લાગવા જઈ રહેલા રાજદંડ સેંગોલને લઈને કોંગ્રેસના નેતા જયરામ રમેશે દાવો કર્યો હતો કે એ વાતના કોઈ નક્કર પુરાવા નથી કે તેને સત્તા હસ્તાંતરણ તરીકે સોંપવામાં આવ્યું હતું. તેમણે કહ્યું, "માઉન્ટબેટન, રાજાજી અને નેહરુ સાથે સંબંધિત કોઈ દસ્તાવેજ નથી કે તે સાબિત કરે કે આ રાજદંડનો ઉપયોગ બ્રિટિશરોથી ભારતમાં સત્તા સ્થાનાંતરણના પ્રતીક તરીકે કરવામાં આવ્યો હતો, તેનાથી સંબંધિત તમામ દાવાઓ નકલી અને કેટલાક લોકોના મગજની ઉપજ છે."  જયરામ રમેશે કહ્યું કે આ બધું વોટ્સએપ યુનિવર્સિટીમાંથી મળેલું જ્ઞાન છે, જેને ભાજપ ફેલાવી રહ્યું છે.