રાજકોટ શહેર સાથે રંગીલુ શબ્દ આપોઆપ જોડાઈ જાય તે શહેરમાં ગુનાખોરીનો ગ્રાફ ઉંચો જાય તે ચોક્કસ ચિંતાનો વિષય બને. રાજકોટમાં છેલ્લા થોડા સમયથી ગન કલ્ચરનો પ્રભાવ વધ્યો છે.તાજેતરના બનાવમાં પૂર્વ કોર્પોરેટરના દીકરા સામે ફાયરિંગનો ગુનો નોંધાયો છે. છેલ્લા થોડા જ મહિનામાં વારંવાર રાજકોટમાં જાહેરમાં ફાયરિંગ થયું હોય અને જાણે કાયદાનો કોઈ જ ડર ન રહ્યો હોય તેવા દ્રશ્યો વારંવાર સામે આવ્યા. જો કોઈ જગ્યાએ ગન કલ્ચર વધે અને બંદૂકની અણી એ જ કાયદો બની જાય તો પરિસ્થિતિ કેટલી ઘાતક થાય તેની કલ્પના જ કરવી રહી. સવાલ એ છે કે ગન કલ્ચરથી રાજકોટની શાંતિ અને તેનો ખુશમિજાજ ન બગડે તેની જવાબદારી કોની?
- રાજકોટમાં ગન કલ્ચરનો પ્રભાવ વધ્યો
- શહેરમાં ફરી ફાયરિંગની ઘટના સામે આવી
- ભક્તિનગર પોલીસ સ્ટેશનની બાજુમાં ફાયરિંગ થયું
રાજકોટમાં ગન કલ્ચરનો પ્રભાવ વધ્યો છે. શહેરમાં ફરી ફાયરિંગની ઘટના સામે આવી છે. ભક્તિનગર પોલીસ સ્ટેશનની બાજુમાં ફાયરિંગ થયું. ફાયરિંગ કરનાર પૂર્વ કોર્પોરેટરનો દીકરો કરણ સોરઠિયા હતો. કરણ સોરઠિયા શૌચાલયના કર્મચારી સાથે ઝઘડો કર્યો હતો. આવા સમયે એક વ્યક્તિ સમજાવટ માટે આવ્યો હતો. સમજાવટ કરવા આવેલા વ્યક્તિ પર અદાવતમાં ફાયરિંગ કરાયું હતું. હાલ સમગ્ર મુદ્દે સામસામે ફરિયાદ નોંધાઈ છે.
- રાજકોટમાં છેલ્લા કેટલાક વર્ષોમાં આર્થિક સમૃદ્ધિ વધી
- જમીનોના ભાવ આસમાને પહોંચી ગયા
- આર્થિક સમૃદ્ધિ વધી એટલે રૂપિયાનું જોર વધ્યું
રાજકોટમાં ગન કલ્ચર કેમ વધ્યું?
રાજકોટમાં છેલ્લા કેટલાક વર્ષોમાં આર્થિક સમૃદ્ધિ વધી છે. જમીનોના ભાવ આસમાને પહોંચી ગયા છે. આર્થિક સમૃદ્ધિ વધી એટલે રૂપિયાનું જોર વધ્યું છે. કેટલાક લોકો માત્ર રુઆબ બતાવવા ગન રાખતા થયા છે. રાજકોટ ખૂબ ઝડપથી શહેરીકરણમાં આગળ વધ્યું છે.
રાજકોટમાં બંદૂકરાજ કયારે અટકશે?
15 એપ્રિલ 2023
- ઉપલેટામાં જાહેરમાં ફાયરિંગ
4 ફેબ્રુઆરી 2023
- જાહેરમાં ફાયરિંગ કરતો વીડિયો વાયરલ
24 જુલાઈ 2022
- બે લોકોએ એક વ્યક્તિ ઉપર જાહેરમાં ફાયરિંગ કર્યું
- વિરાણી અઘાટ પાસે બન્યો બનાવ
22 જુલાઈ 2022
- પતિની લાયસન્સવાળી ગનથી પત્નીએ ફાયરિંગ કર્યુ
6 એપ્રિલ 2022
- માધાપર ચોકડી પાસે જાહેરમાં ફાયરિંગ
