સ્પષ્ટતા / 'યુઝર્સની સુરક્ષા માટે અમે...', આંતરરાષ્ટ્રીય સ્કેમ કોલ્સ મુદ્દે WhatsAppનો વળતો જવાબ, જાણો શું કહ્યું

• આંતરરાષ્ટ્રીય સ્કેમ કોલ્સ મુદ્દે WhatsAppનો જવાબ
• કહ્યું યુઝર્સની સુરક્ષા અમારા માટે સૌથી ઉપર 
• યુઝર્સની સુરક્ષા માટે સરકારના ઉદ્દેશ્યો સાથે જોડાયેલા

છેલ્લા થોડા દિવસોથી મેસેજીંગ એપ વોટ્સએપ પર ઈન્ટરનેશનલ નંબરથી સ્પેમ કોલના મામલા વધી રહ્યા છે. યુઝર્સ સતત સોશિયલ મીડિયા દ્વારા આ સ્પેમ કોલની ફરિયાદ કરતા રહે છે. તેના વધતી ફરિયાદો પર કેન્દ્ર સરકારની પણ નજર છે. પરંતુ હવે આ મામલે વોટ્સએપે પણ નિવેદન જાહેર કરી જવાબ આપ્યો છે. 

યુઝર્સની ગુપ્તતા સર્વોપરિ 
વોટ્સએના પ્રવક્તાએ જાહેર નિવેદનમાં કહ્યું છે કે યુઝર્સની ગુપ્તતાની સુરક્ષા મેટા અને વોટ્સએપ માટે સર્વોપરિ છે. અમારે ત્યાં ગતિવિધિ યુઝર્સને ધ્યાનમાં રાખીને થાય છે. અમે યુઝર્સની સુરક્ષા માટે સરકારના ઉદ્દેશ્યો સાથે સંપૂર્ણ રીતે જોડાયેલા છીએ. 

તેમણે કહ્યું યુઝર્સની સુરક્ષા માટે વોટ્સએપ હંમેશા તૈયાર રહ્યું છે. અમે યુઝર્સને ઘણી રીતે સેફ્ટી ટૂલ ઉપલબ્ધ કરાવ્યા છે. જેમાં બ્લોક અને રિપોર્ટનો વિકલ્પ પણ છે. સાથે જ અમે યુઝર્સની સેફ્ટી અને તેમને જાગૃત કરવાને લઈને પણ પ્રયત્મ કરી રહ્યા છીએ. 

ઠગને રોકવાનો કરી રહ્યા છે પ્રયત્ન 
નિવેદનમાં કહેવામાં આવ્યું છે કે અમે વોટ્સએપ પ્લેટફોર્મ દ્વારા ઠગીને રોકવાનો સંપૂર્ણ પ્રયત્ન કરી રહ્યા છીએ. પરંતુ તેમ છતાં સાઈબર અપરાધી યુઝર્સ સાથે ફ્રોડ કરવાના રસ્તા શોધી લે છે. ઈન્ટરનેશનલ સ્કેમ કોલ એક એવી જ રીત છે. જેનો સાઈબર ફ્રોડ ઉપોયગ કરી રહ્યા છે. આ યુઝર્સને વોટ્સએપ દ્વારા મિસ્ડ કોલ આપે છે અને જેવું કોઈ યુઝર તે નંબર પર કોલ બેક કે મેસેજ કરે છે તો તે ઠગીનો શિકાર થઈ જાય છે. 

નિવેદનમાં કહેવામાં આવ્યું છે કે તેના માટે અમે આ પ્રકારની ઘટનાઓ પર લગામ લગાવવા માટે એઆઈ અને એમએલ સિસ્ટમ્સને રાખી છે. એઆઈ અને એમએલ સિસ્ટમ દ્વારા આ સ્કેમને 50 ટકા સુધી ઓછા કરી શકાય છે.