પરીક્ષણ / શું છે આ મિશન દિવ્યાસ્ત્ર? જે એકસાથે 3-3 ટાર્ગેટ પર હુમલો કરવા છે સક્ષમ, ખાસિયતો ચોંકાવનારી

ભારતે મિશન દિવ્યાસ્ત્ર નું સફળ પરીક્ષણ કર્યું છે. DRDO સહિત ભારતીય વૈજ્ઞાનિકો માટે આ એક મોટી ઉપલબ્ધિ છે. ખુદ વડાપ્રધાન નરેન્દ્ર મોદીએ સોશિયલ મીડિયા પર ટ્વિટ કરીને ભારતીય વૈજ્ઞાનિકોને અભિનંદન પાઠવ્યા છે. ભારતની મિસાઈલ ટેક્નોલોજીને આગળ વધારનારી આ ટેક્નોલોજી સેન્સર પેકેજની સાથે 1.5 ટન સુધીના પરમાણુ હથિયારો લઈ જવાની ક્ષમતા ધરાવે છે.  

ભારતે મલ્ટીપલ ઈન્ડિપેન્ડન્ટલી ટાર્ગેટેબલ રી-એન્ટ્રી (MIRV) ટેક્નોલોજી સાથે અગ્નિ-5 (અગ્નિ-V) મિસાઈલ વિકસાવી છે. જેને દિવ્યાસ્ત્ર મિશન નામ આપવામાં આવ્યું છે. તેને દિવ્યાસ્ત્ર  કહેવા પાછળનું મુખ્ય કારણ એ છે કે, આ મિસાઈલ એક સાથે અનેક સો કિલોમીટરમાં ફેલાયેલા 3 લક્ષ્યોને નિશાન બનાવી શકે છે. આ સિવાય આ મિસાઈલમાં બીજી ઘણી વિશેષતાઓ છે.

Indigenously developed Agni-5 missile with Multiple Independently Targetable Re-Entry Vehicle ( MIRV) technology successful tested as part of Mission Divyastra today https://t.co/6NVZgWoZ4z pic.twitter.com/zsotqZtLUq

— DRDO (@DRDO_India) March 11, 2024

જાણો અગ્નિ-V મિસાઈલની 10 વિશેષતાઓ

• આ મિસાઈલને ટ્રક પર લોડ કરીને કોઈપણ જગ્યાએ લઈ જઈ શકાય છે.
• MIRV ટેક્નોલોજી એટલે કે મિસાઈલના નાક પર બે થી 10 હથિયારો લગાવી શકાય છે.
• તેના પર 1500 કિલો વજનનું પરમાણુ હથિયાર લગાવી શકાય છે.
• આ મિસાઈલમાં ત્રણ તબક્કાના રોકેટ બૂસ્ટર છે જે ઘન ઈંધણ પર ઉડે છે.
• તેની ઝડપ અવાજની ગતિ કરતા 24 ગણી વધારે છે. એટલે કે તે એક સેકન્ડમાં 8.16 કિલોમીટરનું અંતર કાપે છે.
• અગ્નિ-5 મિસાઈલ (Agni-V) 29,401 કિલોમીટર પ્રતિ કલાકની ઝડપે દુશ્મન પર હુમલો કરે છે.
• તે રિંગ લેસર ગાયરોસ્કોપ ઇનર્શિયલ નેવિગેશન સિસ્ટમ, જીપીએસ, નેવિક સેટેલાઇટ ગાઇડન્સ સિસ્ટમથી સજ્જ છે.
• અગ્નિ-5 મિસાઈલ ચોકસાઈ સાથે લક્ષ્ય પર હુમલો કરે છે.
• જો લક્ષ્ય 10 થી 80 મીટર દૂર પણ તેની જગ્યાએથી ખસી જાય તો તેનાથી બચવું મુશ્કેલ છે.
• અગ્નિ-5 મિસાઈલ (અગ્નિ-વી)નું વજન 50 હજાર કિલોગ્રામ છે. તે 17.5 મીટર લાંબુ છે. તેનો વ્યાસ 2 મીટર એટલે કે 6.7 ફૂટ છે.   

વધુ વાંચો : હરિયાણાના મુખ્યમંત્રી મનોહર લાલ ખટ્ટરનું પૂરી કેબિનિટે સહિત રાજીનામું, તૂટ્યું BJP-JJPનું ગઠબંધન

મહત્વનું છે કે, અગ્નિ-5 મિસાઈલ (Agni-V ICBM)નું પ્રથમ સફળ પરીક્ષણ 19 એપ્રિલ 2012ના રોજ થયું હતું. તે પછી, 15 સપ્ટેમ્બર 2013, 31 જાન્યુઆરી 2015, 26 ડિસેમ્બર 2016, 18 જાન્યુઆરી 2018, 3 જૂન 2018 અને 10 ડિસેમ્બર 2018 ના રોજ સફળ પરીક્ષણો હાથ ધરવામાં આવ્યા હતા. અગ્નિ-5 મિસાઈલના અડધા ડઝનથી વધુ સફળ પરીક્ષણો કરવામાં આવ્યા છે. આ પરીક્ષણોમાં મિસાઈલનું વિવિધ માપદંડો પર પરીક્ષણ કરવામાં આવ્યું હતું. જેમાં ખુલાસો થયો હતો કે, આ મિસાઈલ દુશ્મનને નષ્ટ કરવા માટે એક ઉત્તમ હથિયાર છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો