વાસ્તુશાસ્ત્ર / ઘરમાં ચંપલ પહેરવાની ટેવ હોય તો ચેતજો! રાહુ અને કેતુ બંને ગ્રહ થઈ જાય છે ખરાબ

• ઘરમાં ચંપલ પહેરીને ના ફરવું જોઈએ
• વાસ્તુશાસ્ત્ર અનુસાર ઘરમાં ચંપલ પહેરવા તે યોગ્ય નથી
• ઘરમાં શનિદોષ આવી શકે છે

ઘરમાં ચંપલ પહેરીને ના ફરવું જોઈએ. વૈજ્ઞાનિક દ્રષ્ટિકોણ અનુસાર આ બાબત અયોગ્ય છે. ઉપરાંત વાસ્તુશાસ્ત્ર અનુસાર પણ ઘરમાં ચંપલ પહેરવા તે યોગ્ય નથી. ચપ્પલની વાત કરવામાં આવે તો તે શનિ સાથે જોડાયેલ હોય છે. આ કારણોસર શનિવારે ચંપલ ખરીદવામાં આવતા નથી. કહેવામાં આવે છે કે, આ દિવસે ચંપલ ખરીદવાથી ઘરમાં શનિદોષ આવી શકે છે. બહાર ચંપલ પહેરીને ફરીએ છીએ, જ્યાં સકારાત્મક અને નકારાત્મક બંને પ્રકારની ઊર્જા હોય છે. બહારની ગંદકીવાળા ચંપલ પહેરીને ઘરમાં આવવાથી તમારી કુંડળીમાં રાહુ અને કેતુ બંને ગ્રહ ખરાબ રહે છે. 

શનિદોષથી બચવા માટે મંદિરની બહાર ચંપલ મુકીને આવીએ છીએ. ઉપરાંત ઘરના મુખ્ય દ્વાર પર ચંપલ ના રાખવા જોઈએ. આ પ્રકારે કરવાથી ઘરમાં નકારાત્મક ઊર્જા આવે છે. તિજોરી હોય ત્યાં અને પૂજાઘરમાં ચંપલ પહેરીને જવાથી નાણાંકીય નુકસાન થાય છે. ઘરમાં નકારાત્મક ઊર્જાનો વાસ રહે છે. ઘરમાં ધનની દેવી માઁ લક્ષ્મીનો પ્રવેશ થતો નથી. ફાટેલા અને જૂના ચંપલ પહેરવાથી શનિની અશુભ છાયા પડે છે અને ઘરમાં દરિદ્રતા આવે છે. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)