હવામાન / હજુ વરસાદ ગયો નથી, આ વિસ્તારમાં થશે માવઠું, અંબાલાલની મોટી આગાહી

હવામાન નિષ્ણાંત અંબાલાલ પટેલે ગુજરાતના આગામી હવામાન અંગે મહત્વપૂર્ણ આગાહી આપી છે. આ આગાહી પ્રમાણે રાજ્યમાં કમોસમી વરસાદનું પ્રમાણ હળવું થઈ જશે અને આગામી દિવસોમાં છુટોછવાયા વરસાદની સંભાવના રહેશે.

તેમની આગાહી મુજબ 5 નવેમ્બર સુધી છુટોછવાયો વરસાદ થઈ શકે છે.મધ્ય ગુજરાત અને સૌરાષ્ટ્રમાં પણ છુટછવાયો વરસાદ સંભવ છે. 8 થી 11 નવેમ્બર દરમિયાન વાદળવાયુનું આગમન થશે.7 નવેમ્બરથી ઠંડા પવન ફૂંકાશે, જે રવી પાક માટે લાભદાયક રહેશે.18 નવેમ્બરથી બંગાળના ઉપસાગરમાં હળવું દબાણ ઉભું થશે. જે 23 નવેમ્બર સુધી ભારે ચક્રવાત બની શકે છે, જે 23 થી 26 નવેમ્બર દરમિયાન માવઠા જેવું વાતાવરણ લાવી શકે છે. ડિસેમ્બરના પ્રથમ સપ્તાહમાં ઠંડીનો પ્રભાવ અનુભવાશે.

આ પણ વાંચોઃ ગુજરાત પર ઘાત! 3 દિવસ સુધી તબાહી મચાવશે આ ચીજ, IMDએ આપી દીધું મોટું એલર્ટ
અંબાલાલ પટેલના જણાવ્યા અનુસાર,આગામી દિવસોનું વાતાવરણ રવિ પાકોને અનુકુળ રહેશે. જ્યારે ચક્રવાત અને માવઠાના સંકેતોને ધ્યાનમાં રાખીને ખેડૂતો અને લોકોએ સાવધાની રાખવી જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ