કુદરતી આફત / ગુજરાત પર ઘાત! 3 દિવસ સુધી તબાહી મચાવશે આ ચીજ, IMDએ આપી દીધું મોટું એલર્ટ

ગુજરાતમાં હજુ પણ વરસાદથી રાહત મળે તેવા કોઈ સંકેત દેખાતા નથી. ભારતીય હવામાન વિભાગે 5 થી 7 નવેમ્બરની વચ્ચે ગુજરાતમાં આંધી-તોફાન સાથે ભારે વરસાદની આગાહી કરી છે. તે ઉપરાંત વીજળીનો પણ ખતરો છે. વીજળીના ખતરા પર હવામાન વિભાગે ખાસ અપડેટ આપ્યું છે.

હવામાનમાં કેમ આવશે ફેરફાર

આંતરરાષ્ટ્રીય હવામાન વિભાગ (IMD) અનુસાર, 4 અને 5 નવેમ્બર, 2025 ના રોજ ઉત્તરપશ્ચિમ ભારતમાં પશ્ચિમી વિક્ષેપ સક્રિય થવાની સંભાવના છે. આના કારણે ગુજરાત સહિતના રાજ્યોમાં ભારે વરસાદનો યોગ છે. હવામાન વિભાગે જણાવ્યું છે કે પશ્ચિમ રાજસ્થાનમાં વાવાઝોડા સાથે હળવો વરસાદ શક્ય છે. 4 નવેમ્બરના રોજ, જમ્મુ અને કાશ્મીર, લદ્દાખ, હિમાચલ પ્રદેશ અને ઉત્તરાખંડમાં વીજળી સાથે વરસાદ અથવા હિમવર્ષા થવાની સંભાવના છે.

5થી 7 તારીખ સુધી વીજળી પડવાની સંભાવના

હવામાન વિભાગે એવું પણ એલર્ટ આપ્યું છે કે 5 થી 7 નવેમ્બર સુધી ગુજરાતમાં વીજળી પડવાના યોગ છે. એટલે લોકોએ સાવધાની રાખવી. અમદાવાદ સહિત સુરત, રાજકોટ અને વડોદરામાં વીજળી પડવાની સંભાવના છે.

વધુ વાંચો : VIDEO : વાયરલ થઈ દુનિયાની મોસ્ટ બ્યુટીફૂલ એથલેટ, ખુબસૂરતી તો ઈન્દ્રની અપ્સરાંને શરમાવે એવી

શું કહ્યું અંબાલાલ પટેલે

અંબાલાલ પટેલે આપેલી આગાહી પ્રમાણે, 5થી 8 નવેમ્બરમાં દેશના ઉત્તરીય પર્વતીય ભાગોમાં એક વેસ્ટર્ન ડિસ્ટર્બન્સ આવવાની શક્યતાઓ રહેશે. 9થી 10 નવેમ્બરમાં હળવું વેસ્ટર્ન ડિસ્ટર્બન્સ આવવાની શક્યતાઓ છે. જેના કારણે વાદળછાયું વાતાવરણ રહેવાની શક્યતાઓ રહેશે. 18થી 20 નવેમ્બરમાં સક્રિય થવાની શક્યતાઓ રહેશે. જેની અસરના કારણે દક્ષિણ ભારતમાં વરસાદ થવાની શક્યતાઓ રહેશે. 23થી 26 નવેમ્બરમાં ગુજરાતમાં વાદળછાયું વાતાવરણ રહેવાની શક્યતાઓ રહેશે અને માવઠા જેવું વાતાવરણ બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ