ગેલેક્સી એપાર્ટમેન્ટ ફાયરિંગ / સલમાનના ઘરે ફાયરિંગ કેસમાં શૂટર ઉપરાંત વધુ બે આરોપી જાપ્તામાં, કરિયાણાવાળાનો ખૂલ્યો કાંડ

સુપર સ્ટાર સલમાન ખાનના ઘરે આવેલા ગેલેક્સી એપાર્ટમેન્ટમાં ફાયરિંગના કેસમાં મુંબઈ ક્રાઈમ બ્રાન્ચે ગુજરાતમાં તાપી નદીમાંથી બે પિસ્તોલ કબજે કર્યા બાદ હવે શૂટરોને હથિયારો સપ્લાય કરનારા બે આરોપીઓની ધરપકડ કરી છે. પંજાબમાંથી હથિયારોના દાણચોરોની ધરપકડ કરવામાં આવી છે. મુંબઈ ક્રાઈમ બ્રાન્ચની ઘણી ટીમો આ કેસમાં તપાસમાં લાગેલી છે. જેના કારણે ઈનપુટ મળતાં એક ટીમ પંજાબ ગઈ હતી. જ્યાંથી ફાયરિંગ માટે વપરાયેલી પિસ્તોલ સપ્લાય કરનારા બે આરોપીઓની ધરપકડ કરવામાં આવી હતી.

Firing incident outside actor Salman Khan's residence on April 14 | Mumbai Crime Branch arrested two accused from Punjab named Sonu Subhash Chander and Anuj Thapan. Both the accused who were arrested were in contact with the Bishnoi gang and supplied guns to the two accused…

— ANI (@ANI) April 25, 2024

સપ્લાયર્સની ધરપકડ

મુંબઈ ક્રાઈમ બ્રાન્ચ દ્વારા ઝડપાયેલા બંને હથિયારોના દાણચોરોની ઓળખ થઈ ગઈ છે. તેમાંથી એકની ઓળખ 37 વર્ષીય સોનુ સુભાષ ચંદ્રા તરીકે થઈ છે, જે ખેતી કરે છે અને પોતાની કરિયાણાની દુકાન પણ ચલાવે છે. જ્યારે બીજા આરોપીની ઓળખ 32 વર્ષીય અનુજ થાપન તરીકે થઈ છે. તે ટ્રક હેલ્પર તરીકે કામ કરે છે. બંને આરોપીઓ લોરેન્સ બિશ્નોઈ ગેંગના સંપર્કમાં હતા. અનુજ વિરુદ્ધ ખંડણી અને આર્મ્સ એક્ટ હેઠળ કેસ નોંધવામાં આવ્યો છે.

Firing incident outside actor Salman Khan's residence on April 14 | After the firing at Salman Khan's residence, both the accused tried to change their appearance so that they could not be recognised. They had a total of 40 bullets, out of which 5 rounds were fired and 17 rounds…

— ANI (@ANI) April 25, 2024

આપને જણાવી દઈએ કે આ પહેલા મુંબઈ ક્રાઈમ બ્રાન્ચની ટીમે સુરતની તાપી નદીમાંથી એક પિસ્તોલ અને કેટલાક જીવતા કારતૂસ જપ્ત કર્યા છે. ક્રાઈમ બ્રાન્ચનો દાવો છે કે આ એ જ હથિયાર છે જેનો ઉપયોગ 14 એપ્રિલે સલમાન ખાનના ઘરે ફાયરિંગ માટે કરવામાં આવ્યો હતો. હથિયારને વધુ તપાસ માટે એફએસએલના બેલેસ્ટિક વિભાગમાં મોકલવામાં આવશે. વિકી ગુપ્તા અને સાગર પાલ નામના બંને શૂટરોના જણાવ્યા અનુસાર ફાયરિંગ કર્યા બાદ તેઓએ હથિયારો અને ગોળીઓ સુરતની તાપી નદીમાં ફેંકી દીધી હતી. તમને જણાવી દઈએ કે સુરતના તાપીમાં ક્રાઈમ બ્રાન્ચ મુંબઈના સર્ચ ઓપરેશન દરમિયાન શું મળ્યું.

• પિસ્તોલ: 2
• મેગેઝિન: 3
• જીવંત કારતુસ: 13

#WATCH | Firing incident outside actor Salman Khan's residence on April 14 | Mumbai's Esplanade Court sent both the accused Vicky Gupta and Sagar Pal to the custody of the Crime Branch till April 29. pic.twitter.com/5OcBOnPHsk

— ANI (@ANI) April 25, 2024

રેકી માટે પનવેલમાં ઘર લીધું

હુમલો કરતા પહેલા બંને હુમલાખોરોએ હેન્ડલર્સ પાસેથી આશરે રૂ. 1 લાખ મેળવ્યા હતા, જેનો ઉપયોગ કરીને બંનેએ ભાડે મકાન લીધું હતું. એક બાઇક ખરીદી અને રોજનો ખર્ચ પણ મેનેજ કર્યો. બંનેએ પનવેલ સ્થિત સલમાન ખાનના ફાર્મ હાઉસથી લગભગ 13 કિલોમીટર દૂર એક ઘર ભાડે લીધું હતું. બંને અહીથી ફાર્મ હાઉસની રેકીંગ કરતા હતા. બંનેને કામ પૂરું કરીને બાકીના પૈસા ચૂકવી દેવાની ખાતરી આપવામાં આવી હતી. તેથી તેણે 28 ફેબ્રુઆરીએ ચંપારણથી મુંબઈ સેન્ટ્રલ સુધીની મુસાફરી કરી.

10 હજાર એડવાન્સ આપીને મકાન ખરીદ્યું હતું

મકાન ભાડે આપવા માટે બંનેએ યોગ્ય ભાડા કરાર કર્યા અને આ માટે તેમના અસલ આધાર કાર્ડનો ઉપયોગ કર્યો. કરાર મુજબ તેણે મકાનમાલિકને એડવાન્સ 10,000 રૂપિયા જમા કરાવ્યા અને માસિક ભાડું 3500 રૂપિયા નક્કી કરવામાં આવ્યું. થોડા દિવસ પનવેલમાં રહ્યા બાદ બંને હોળીના દિવસે 18 માર્ચે ચંપારણ ગયા હતા. જોકે, બંને 1 એપ્રિલે પરત ફર્યા હતા. આ પછી 14 એપ્રિલે સવારે 5 વાગ્યે મોટરસાઇકલ પર સવાર બંનેએ બાંદ્રામાં સલમાન ખાનના ઘરે ગોળીબાર કર્યો. સલમાન બાંદ્રાના ગેલેક્સી એપાર્ટમેન્ટમાં રહે છે. હુમલાખોરોએ તેના ઘર પર 5 રાઉન્ડ ફાયરિંગ કર્યું હતું. ચાર ગોળી દિવાલ પર વાગી હતી, જ્યારે એક ગોળી તેના ઘરની ગેલેરીમાં વાગી હતી, જ્યાં સલમાન ઘણીવાર ઉભો રહે છે અને તેના ચાહકોનું અભિવાદન કરે છે.

સાગર પાલે ગોળી ચલાવી હતી

પોલીસ તપાસમાં સામે આવ્યું છે કે ગોળી બાઇક પર પાછળ બેઠેલા હુમલાખોર સાગર પાલે ચલાવી હતી. જ્યારે વિકી ગુપ્તા બાઇક ચલાવી રહ્યો હતો. બાઇક ચલાવતી વખતે વિકી પણ લોરેન્સ ગેંગના સંપર્કમાં હતો. મુંબઈ પોલીસની એક ટીમ હુમલાખોરો વિકી અને સાગરને ફ્લાઈટ દ્વારા મહારાષ્ટ્રની રાજધાની મુંબઈ લઈ ગઈ છે. બંનેને કોર્ટમાં રજૂ કરવામાં આવ્યા હતા, જ્યાંથી તેમને 25 એપ્રિલ સુધી જેલમાં મોકલી દેવામાં આવ્યા છે.

આરોપીએ ત્રણ વખત કપડાં બદલ્યા હતા

સલમાનના ઘરની બહાર ફાયરિંગ કરનારા બે શૂટર્સ આજે કોર્ટમાં હાજર હતા. પોલીસે બંનેની વધુ ચાર દિવસની કસ્ટડી માંગી હતી, જે મંજૂર કરવામાં આવી હતી. ફાયરિંગ કેસમાં આજે મુંબઈ પોલીસ ક્રાઈમ બ્રાન્ચે કોર્ટને જણાવ્યું હતું કે આરોપીઓએ ઓળખ ન થાય તે માટે ત્રણ વખત કપડાં બદલ્યા હતા. 

વધુ વાંચો : સલમાનના આ નિર્ણયે શૂટર્સના પ્લાનિંગ પર પાણી ફેરવી દીધું, થયા પ્લાન બદલવા પર મજબૂર

અગાઉ પણ ધમકીઓ મળી હતી

બંને આરોપીઓએ 14 એપ્રિલે મુંબઈમાં સલમાનના ગેલેક્સી એપાર્ટમેન્ટની બહાર ગોળીબાર કર્યો હતો. ઘટના સમયે સલમાન ખાન તેના ઘરે હાજર હતો. બાઇક પર સવાર બંને આરોપીઓએ પાંચ રાઉન્ડ ફાયરિંગ કર્યું હતું. આ ઘટના બાદ સલમાન ખાનની સુરક્ષા વધારી દેવામાં આવી છે. તમને જણાવી દઈએ કે આ પહેલા પણ લોરેન્સ બિશ્નોઈએ સલમાનને ઘણી વખત ધમકી આપી હતી.