ગજબ બાકી! / આખા શહેરમાં લાગ્યા હેપી બર્થ ડે શ્વાન ભૈરવના 100થી વધુ પોસ્ટર, પાર્ટી પણ રાખી, જીવનમાં તમે આવો શ્વાન પ્રેમી નહીં જોયો હોય

• લોકોને પ્રાણીઓ પ્રત્યે ખૂબ જ લાગણી લગાવ હોય છે
• આ વ્યક્તિ શ્વાનનો જન્મદિવસ ઊજવે છે
• શ્વાનના જન્મદિવસ પર એક ફોટો શેર કરીને પોસ્ટ કરી

ઘણી વાર તમે જોયું હશે કે લોકોને પ્રાણીઓ પ્રત્યે ખૂબ જ લાગણી લગાવ હોય છે. મધ્યપ્રદેશના બુરહાનપુર જિલ્લામાં આવો જ એક પ્રકારનો કિસ્સો પણ જોવા મળ્યો છે. બુરહાનપુરના લાલબાગ વિસ્તારમાં રહેતા વિજય પવારને પ્રાણીઓનો ખૂબ જ શોખ છે.  વિજય પવાર પોતાના શ્વાનને પોતાના પરિવારના સભ્યોની જેમ માને છે અને જન્મદિવસ પણ ઊજવે છે. વિજય પવાર શ્વાનના જન્મદિવસ પર શહેરમાં બેનરો અને પોસ્ટરો લગાવે છે અને સાથે પાર્ટી પણ કરે છે. વિજય તમામ શ્વાનને નામથી બોલાવે છે, બે શ્વાન મૃત્યુ પામ્યા છે. મૃતક શ્વાનનું નામ ભુજો અને બાંડિયાભાઈ હતું. વિજય પવાર તેના શ્વાનના જન્મદિવસ પર એક ફોટો શેર કરીને પોસ્ટ કરી છે. 

વિજય પવારે જણાવ્યું કે, ‘મારા પરિવારમાં ફક્ત મારી માતા છે અને મારી માતા પછી હું શ્વાનને સૌથી વધુ પ્રેમ કરું છું. શ્વાનને પાળવા માટે ખૂબ જ  મહેનત કરું છું અને તેમનો જન્મદિવસ ઉજવું છું. હું છેલ્લા 5 વર્ષથી શ્વાનના જન્મદિવસની ઉજવણી કરું છું. અત્યારે મારી પાસે પાંચ શ્વાન લાલુ, કાલુ, રાજા, ડોન અને ભૈરવ છે. 25 ડિસેમ્બરે ભૈરવનો જન્મદિવસ હોવાથી પાર્ટી રાખવામાં આવી હતી. ભૈરવના પહેલા જન્મદિવસે આ પાર્ટી માટે 100થી વધુ બાળકોને આમંત્રણ આપવામાં આવ્યું હતું.’

પોસ્ટર જોઈને વખાણ
શ્વાનના પોસ્ટર જોઈને લોકો વિજય પવારના ખૂબ જ વખાણ કરી રહ્યા છે. લોકો પોતાનો જન્મદિવસ ઉજવે છે પરંતુ પ્રાણીઓનો જન્મદિવસ કોઈ ઉજવતું નથી. વિજય પવાર શ્વાનનો જન્મદિવસ ઊજવે છે, જે એક સમાજને એક સુંદર સંદેશ આપે છે.