VTV રિયાલિટી ચેક / આગની ઘટનાને હજુ 7 જ મહિના થયા, છતાંય બોપલ TRP મોલની એક પણ શોપમાં વેન્ટીલેશન જ નથી

Bopal TRP Mall : સુરતમાં આગની ઘટના બાદ VTV NEWSએ બોપલ TRP મોલમાં રિયાલીટી ચેક કર્યું હતું. મહત્વનું છે કે, 7 મહિના પહેલા TRP મોલમાં આગ લાગી હતી તો હજી સુધી પણ કોઇ બોધપાઠ ન લીધો હોવાનું સામે આવ્યું છે.

વાસ્તવમાં VTV NEWSના રિયાલિટી ચેક દરમિયાન TRP મોલમાં એક પણ શૉપમાં વેન્ટીલેશન ન હોવાનું સામે આવ્યું છે. આ સાથે જો કોઇ ઘટના બને અને આગ લાગે તો ધુમાડો બહાર નિકળે એવી વ્યવસ્થા ન હોવાનું પણ ખૂલ્યું છે.

અમદાવાદના બોપલમાં આવેલ TRP મોલમાં VTV NEWS દ્વારા રિયાલિટી ચેક કરવામાં આવ્યું હતું. મહત્વનું છે કે, સુરતમાં આગની ઘટના પછી રિયાલીટી ચેક દરમિયાન ચોંકાવનારી વિગતો સામે આવી છે. વાસ્તવમાં સાત મહિના પહેલા બહેલી ઘટના બાદ પણ પરિસ્થિતિ એની એજ હોવાનું ખૂલ્યું છે.

વધુ વાંચો : પાવાગઢ જતા પહેલા આ ન્યૂઝ ખાસ વાંચી લેજો, 8 નવેમ્બરના રોજ મંદિર આટલો સમય બંધ રખાશે

મહત્વનું છે કે, આ મોલમાં અનેક સ્પા હોટલ અને ટ્યુશન ક્લાસિસ ચાલી રહ્યા છે. આ તરફ મોલમાં એક પણ શોપમાં વેન્ટીલેશન ન હોવાનું સામે આવ્યું છે. આ તરફ હવે જો કોઇ કારણસર આગ લાગે તો ધુમાડો બહાર નીકળે તેવી કોઈ વ્યવસ્થા ન હોવાથી લોકોના જીવ જોખમાય તો જવાબદાર કોણ ? તે પ્રકારના સવાલો પણ થઈ રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ