ખાનગી ટેલિકોમ કંપની વોડાફોન આઈડિયાએ બે નવા રિચાર્જ પ્લાનની જાહેરાત કરી છે. મહત્વનું છે કે આ કંપનીના પ્રિપેડ પ્લાન્સ છે, જેની શરૂઆત અંદાજે 29 રૂપિયાથી થઇ રહી છે. આવો આ પ્લાન્સ અને તેમાં સામેલ થયેલ સુવિધાઓ અંગે વિસ્તૃતપૂર્વક જાણીએ.
વોડાફોન આઈડિયાએ બે નવા રિચાર્જ પ્લાનની જાહેરાત કરી
જો તમે વોડાફોન આઈડિયા અથવા વીઆઈના યુઝર્સ છો અને પોતાના માટે સારો પ્રીપેડ પ્લાન લેવા માંગી રહ્યાં છો તો આ સમાચાર તમારા કામના છે. વીઆઈએ હાલમાં બે નવા પ્રીપેડ પ્લાન લોન્ચ કર્યા છે, જેમાં તમને ઘણા આકર્ષક બેનિફિટ્સ ખૂબ જ ઓછી કિંમતે મળી જશે. ઉલ્લેખનીય છે કે પહેલા પ્લાનની કિંમત 29 રૂપિયા છે અને બીજા પ્લાનમાં તમને 39 રૂપિયાના બદલામાં ઘણી સુવિધાઓ મળશે.
વોડાફોન આઈડિયાનો 29 રૂપિયાવાળો પ્લાન
વીઆઈના 29 રૂપિયાવાળા પ્લાનમાં તમને કુલ મળીને 2GB હાઈ-સ્પીડ ઈન્ટરનેટ આપવામાં આવે છે. ઉલ્લેખનીય છે કે આ પ્લાન ખાસ એવા લોકો માટે છે, જે ઓછા સમય માટે હાઈ-સ્પીડ ઈન્ટરનેટની મજા ઉઠાવવા માંગે છે. ઉલ્લેખનીય છે કે વોડાફોન આઈડિયાનો આ 29 રૂપિયાવાળો પ્લાન એક ડેટા પ્લાન છે. આ જ કારણ છે કે તેમાં બીજી કોઈ સુવિધા સામેલ નથી. આ પ્લાનની વેલિડિટી બે દિવસની છે.