Viral Video / આને કે'વાય અસલી જુગાડી! ટ્રેનમાં સીટ ન મળી તો જબરું મગજ વાપર્યુ, લોકોનું મગજ ચકરાયું

છઠના પર્વ પર ટ્રેનોમાં ખૂબ જ ભીડ જોવા મળી રહી છે. લોકો પોતાના ઘરે જવા માટે ટ્રેનના બાથરૂમમાં બેસીને યાત્રા કરવા મજબૂર છે. આ દરમિયાન એક વિડીયો ખૂબ વાયરલ થઈ રહ્યો છે, જેને જોઈને લોકોનું કહેવું છે કે જુગાડના મામલે ભારતના લોકોનો કોઈ જવાબ જ નથી.

વાયરલ વિડીયોમાં જોઈએ શકાય છે કે એક ટ્રેનમાં વધારે સંખ્યામાં લોકો હાજર છે. બધી જ સીટો લગભગ ફૂલ છે અને અમુક લોકો ઊભા છે. આ દરમિયાન એક વ્યક્તિ બે સીટ વચ્ચે દોરડા બાંધી રહ્યો છે, તે આવું એટલા માટે કરી રહ્યો છે, જેથી તે બેસીને કે સૂઈને યાત્રા કરી શકે.  

જુગાડનો વિડીયો વાયરલ

યાત્રીએ બંને સીટો વચ્ચે દોરડું બાંધીને જુગાડથી એક અલગ સીટ તૈયાર કરતો જોઈ શકાય છે. આ વિડીયો જોયા પછી લોકો કહી રહ્યા છે કે જુગાડના મામલે ભારતના લોકોનો કોઈ જવાબ જ નથી. આ વિડીયો લાખો લોકોએ જોયો છે અને ઘણા લોકોએ રીએક્શન પણ આપ્યું છે.

એક સોશિયલ મીડિયા યૂઝરે લખ્યું કે વિકસિત અને આત્મનિર્ભર ભારતમાં આજના યુવાઓ એટલો આત્મનિર્ભર થઈ ગયો છે એક ટ્રેનમાં બેસવા માટે જાતે જ સીટ બનાવી રહ્યા છે. એક અન્યએ લખ્યું આપણાં દેશમાં રેલ યાત્રી તેજસ્વી તો છે જ પણ સાથે વધારે ક્રિએટિવ અને મહેનતુ પણ છે.  

વધુ વાંચો: સમોસા માટે સટાસટી, કાર ફૂંકી મારી, ગર્ભવતી મહિલા સાથે પણ મારઝૂડ, વીડિયો વાયરલ

એક અન્ય યૂઝરે લખ્યું છે કે આપણા દેશમાં પ્રતિભાની ખામી નથી. બસ તેમને યોગ્ય દિશા આપવા માટે એક સારી સરકાર જોઈએ. એકે લખ્યું બેચારો શું કરે, ટિકિટ જ એટલી મોંઘી છે. એક અન્ય યૂઝરે લખ્યું કે ટિકિટ મોંઘી છે પણ મળતી તો નથી ને? ટિકિટ મેળવવી પણ એક યુદ્ધ જીતવા સમાન છે. 

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ