બે-ખૌફ / VIDEO: સાપ હાથમાં લઇ યુવકને ડંખ મરાવવાનો કર્યો પ્રયાસ, સુરતના અસામાજિક તત્વોના મદારી વેડા

• સુરતમાં છેલ બટાઉ નબીરાઓનો વિડીયો વાયરલ 
• હાથમાં સાંપ પકડી યુવકને ડરાવાતો હોવાની ઘટના
• કાયદાને ખીસામાં રાખીને ફરતા હોવાનો આ અંદાજ 

ગુજરાતના મેટ્રો શહેરોમાં નબીરાઓનો રાત્રી આતંક યથાવત છે.કાયદાના ડરથી પર એવા છેલબટાઉ યુવકો સરા જાહેર તમાશો કરતા હોય ને કોઈ નાગરિકની હિમત છે કે તેને રોકી-ટોકી શકે.? સુરતના માર્ગ પર એક યુવકને કેટલાક લોકો સાપ હાથમાં પકડીને ડરાવી રહ્યા હોવાનો વિડીયો વાયરલ થયો છે. બિચારા એ યુવકની દશા જોઇને તમને પણ દયા આવવા સાથે  કંપારી છૂટી જશે કે, આવી વિકૃત માનસિકતા ધરાવતા યુવકોના માતા-પિતાની ઘરમાં શી સ્થિતિ થતી હશે? 

'કાનૂન હમારી જેબ મે' જેવો તાલ

સુરતના જાહેર માર્ગ પર અસામાજિક તત્વોનો આતંક સતત વધી રહ્યો છે. જાહેર રસ્તા પર 4 યુવક દ્વારા અન્ય એક યુવકને સાપ કરડાવવાનો પ્રયાસ કરવામાં આવ્યો. જેનો વીડિયો વાયરલ થયો છે. વીડિયોમાં જેના હાથમાં સાપ છે તે યુવકનું નામ નિક ઓડેદરા છે. જેની સામે મારામારીના કેસમાં પણ ફરિયાદ થઇ ચૂકી છે. ત્યારે સવાલો ઉઠી રહ્યા છે કે આવા અસામાજિક તત્વો પર લગામ ક્યારે?. શું અસામાજિક તત્વોને સુરત પોલીસનો કોઇ ડર જ નથી?. જાહેર રસ્તા પર હાથમાં સાપ લઇને જતા યુવક પર કાર્યવાહી ક્યારે ? અસામાજિક તત્વો સામે પોલીસ કેમ કડક કાર્યવાહી નથી કરતી ?સુરત પોલીસ નાઇટ પેટ્રોલિંગ કરે છે કે નહીં? અસામાજિક તત્વો  પાસે સાપ ક્યાંથી આવ્યો?