વાસ્તુ ટિપ્સ / પ્રાપ્ત કરવી છે સુખ શાંતિ ને સમૃદ્ધિ! તો આજથી જ ઘરમાં લગાવો આ 5 પક્ષીઓની તસવીર

• અજાણતા કરેલ કામના કારણે ઘરનું વાસ્તુ ખરાબ થઈ જાય છે
• આ પાંચ ફોટોઝ લગાવવાથી ભાગ્યનો સાથ મળે છે
• ઘરનો વાસ્તુદોષ થશે દૂર

અનેક વાર મહેનત કરવા છતાં સફળતા પ્રાપ્ત થતી નથી, તે માટે વાસ્તુદોષ જવાબદાર હોઈ શકે છે. અનેકવાર અજાણતા એવું કામ કરી બેસીએ છીએ, જેના કારણે ઘરનું વાસ્તુ ખરાબ થઈ જાય છે અને વાસ્તુદોષ ઉત્પન્ન થાય છે. જો તમે પણ ઈચ્છો છો કે, તમને ભાગ્યનો સાથ મળે, તો  વાસ્તુશાસ્ત્ર અનુસાર ઘરમાં આ પાંચ પક્ષીઓના ફોટોઝ જરૂરથી લગાવવા જોઈએ. 

ગીધ- વેસ્ટર્ન વાસ્તુ શાસ્ત્ર અનુસાર તમામ કામમાં સફળતા મેળવવા માટે લિવિંગ રૂમમાં ગીધનો ફોટો લગાવી શકાય છે. હિંદુ ધર્મમાં ગીધને ગરુડ પણ કહેવામાં આવે છે. વાસ્તુ શાસ્ત્રમાં, ફેંગશુઈ અને ચાઈનીઝ વાસ્તુ શાસ્ત્રમાં પણ ગરુડને સફળતાનું પ્રતીક માનવામાં આવે છે. ફિનીક્સને અગ્નિનું પ્રતીક માનવામાં આવે છે. ગીધનો ફોટો લગાવવા માટે દક્ષિણ પૂર્વી દીવાલ અથવા અગ્નેય ખૂણાને શુભ માનવામાં આવે છે. 

લવબર્ડ્સ- વાસ્તુ શાસ્ત્રમાં લવ બર્ડ્સને શુભ અને લકી માનવામાં આવે છે. વૈવાહિક જીવન સુખમયી રીતે પસાર થાય તો ઘરમાં સુખ અને સમૃદ્ધિ આવે છે. શુક્રવારના દિવસે ઘરમાં લવ બર્ડ્સનો ફોટો લાવવો અને ઉત્તર દિશામાં આ ફોટો લગાવવો. ઘરમાં સુખ સમૃદ્ધિની સાથે સકારાત્મક ઊર્જાનો પણ સંચાર થશે. 

મોર- વાસ્તુશાસ્ત્રમાં મોરનું વિશેષ મહત્ત્વ છે, જે શુભતા અને સકારાત્મકતાનું પ્રતીક માનવામાં આવે છે. ઘરમાં કલેશનો માહોલ રહેતો હોય તો ઘરમાં મોરનો ફોટો લગાવી શકો છો, જેથી ઘરનો વાસ્તુદોષ દૂર થશે. પૂર્વીય દીવાલ મોરનો ફોટો લગાવવાથી શુભ ફળ પ્રાપ્ત થાય છે. 

નીલકંઠ- વાસ્તુ શાસ્ત્ર અનુસાર ઘરમાં નકારાત્મક ઊર્જા વધી ગઈ હોય તો ઘરમાં તણાવપૂર્ણ માહોલ બની શકે છે. ઘરની પૂર્વ દિશા અથવા ઉત્તર-પૂર્વ દિશા (અગ્નેય ખૂણો) માં નીલકંઠનો ફોટો લગાવી શકાય છે. આ પ્રકારે કરવાથી તણાવ દૂર થશે તથા નકારાત્મક ઊર્જા સકારાત્મક ઊર્જામાં પરિવર્તિત થશે. 

હંસ- જો તમે પણ ભાગ્યનો સાથ મેળવવા માંગો છો, તો ઘરના લિવિંગ રૂમમાં હંસનો ફોટો લગાવી શકો છો. પૂર્વીય દીવાલ પર આ ફોટો લગાવવાથી લાભ થશે, આ પ્રકારે કરવાથી ભાગ્યનો સંપૂર્ણ સાથ મળશે. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)